AYUB 8:2 - Sura' Madatu

² Sangapaporoko la ma’kada susito sia mintu’ kada sun dio pudukmu butung to angin bara’?

AYUB 8:2 Referans Kwoze

AYUB 15:2

Denraka to kinaa umpatassu’ kapaissanan tang kebattuan, sia umponnoi angin dio mai rampe matallo tu ba’tengna?

AYUB 6:26

Denraka lan penaammi pasayu kada bang? Sia misanga bangraka angin tu apa nasa’bu’ to ka’tu rannunna?

1 DATU 19:11

Ma’kadami nakua: Tassu’ko mai, ammu bendan dao buntu iate dio oloNa PUANG. Attu ia dukate, to ke la lendu’mi tu PUANG, manassa den angin bara’ sia talimpuru’, umpalalla buntu sia untesse buntu batu, undoloan PUANG. Apa tae’ tu PUANG lan talimpuru’ iato. Iatonna rapa’mo tu angin bara’, saemi tu lino’. Apa tae’ tu PUANG lan lino’ iato.

SARAMBU PEADA’ 1:22

Sangapapira, e to tang paissan, la minii ungkamali’i tu katangpaissanan, sia to pa’tellean umporai ma’telle, sia tobaga ungkabiri’ kapaissanan?

AYUB 18:2

Sangapaporoko ma’kada umpoyakan? Iake muissan melomi, kimane ma’kada-kada pole’.

AYUB 16:3

Tae’raka upu’na tu mintu’ kada tang kebattuammi? Apara tu umpatiakka’ko, ammu ma’kada pole’pa?

AYUB 7:11

Apa totemo ia duka tu aku tang kupadapamo tu lilaku, sangadinna la ma’kadana’ lan kapussakan penaangku, sia la sumarrona’ lan kamapairan deatangku.

AYUB 6:9

dennoupa’ naalai penaanNa Puang Matua ussanggangna’, anNa e’te’i tu limanNa ungka’tu sunga’ku!

KATASSURAN 10:7

Ma’kadami tu mintu’ to mase’ponna Firaun lako Firaun, nakua: Sangapapara te tau iate la butung poya lako kaleta? Eloranni tu muane iato mai male menomba lako PUANG, Kapenombanna. Tae’paraka miissanni, kumua iatu tondok Mesir la sabu’mo?

KATASSURAN 10:3

Malemi tu Musa sola Harun umpennoloi Firaun, anna kuai lako: Nakua kadanNa PUANG, tu Kapenombanna to Ibrani: Sangapapoko manoka la tunduk dio oloKu? Eloranni tu taungKu male anna menomba lako Kaleku!

AYUB 8:1

Ma’kadami tu Bildad, to Suah nakua:

YEREMIA 5:13

Iatu mintu’ nabi la susi bang angin, tae’ kuasa ullopianni ma’kada: da’ito na ia kalenamo narampoi tu susinna te.