AYUB 8:19 - Sura' Madatu

¹⁹ Manassa susimoto tu kaparannuan katuoanna, sia tuo dio mai padang tu senga’na.

AYUB 8:19 Referans Kwoze

AYUB 20:5

Manassa iatu arrakna to tang mekaaluk sangparaanri, sia iatu kaparannuanna to tang umbilang Puang Matua sangattu’ bangri.

PA’PUDIAN 113:7

Ia unnendekan to bongko diong mai to’ barra’-barra’, sia umbangunan to mase-mase diong mai to’ so’mak.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.

MATIUS 3:9

Sia da misangai sia ma’kada lan penaammi kumua: Abraham kita tu ambe’ta; belanna kukua lako kalemi, kumua iatu Puang Matua kuasa umpadadianni anak Abraham te mai batu.

YEHEZKIEL 17:24

Anna mintu’ kayu dio padang la untandai kumua Akumo, tu PUANG, umpamadiongan kayu matande sia umpamatande kayu mengkadiongan, umpamarangke kayu maluna sia umpopentaruk kayu marangke. Akumo, tu PUANG, tu mangka umpokadai to, sia Akumo tu la umpogau’i.

PA’PUDIAN 75:7

Belanna tang lu dio mai matallo, tang lu dio mai matampu’, ba’tu lu lo’ mai padang aak nanii bu’tu kama’pakalayukan.

AYUB 8:20

Manassa iatu Puang Matua tae’ nala ussualei tu to bulo lollong sia tae’ Nasaladanni limanna tu to kadake gau’na.