AYUB 5:9 - Sura' Madatu

⁹ Umpogau’mo penggauran kapua, tu tang dilambi’na, sia apa memangngan tu tang dikemba’ diia’.

AYUB 5:9 Referans Kwoze

PA’PUDIAN 40:5

Maupa’ tu to umpassare kapa’rannuananna lako PUANG, sia to tang undampangngi tu to ma’patiramban, sia to sepang lako kamo’rangan.

AYUB 9:10

Ia umpogau’i tu mai apa kalle-kallean, tu tang dilambi’, ondongpi tanda mangnga tang dikemba’ diia’.

PA’PUDIAN 72:18

Mintu’na kadipudian lu langngan nasang PUANG Kapenomban, tu Kapenombanna Israel, Ia mannari ia tu umpogau’ penggauran kalle-kallean.

PA’PUDIAN 86:10

Belanna Kamumo tu pasareongan umpogau’ kalle-kallean, Kamu manna tu Puang Matua.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

AYUB 37:5

Napagumaluntu’ kalle-kallean Puang Matua tu gamaranNa; Napogau’ tu penggauran tarompo’, sia tang talambi’;

YESAYA 40:28

Tae’raka ammu issanni, tae’paraka ammu rangii, kumua iatu PUANG, Iamo Kapenomban matontongan, To kumombongna mintu’ randan langi’. Tang mekaboyo’ sia tang mekata’ka’, tang dilambi’ tu kamanaranganNa.

PA’PUDIAN 139:18

Iake la kubilangi mandu buda ia anna karangan; sia iake millikna’, tontong bangpoKomi kupalan penaa.

AYUB 42:3

Mindara ia, tu tang ma’tangnga’ melo ullullungi tu pangra’ta’ tanan penaanNa Puang? Iamoto angku mangaku, kumua tang paissanna’ ussa’bu’i tu mai apa ummangngaina’ sia tang kupebuyu’.

AYUB 10:16

Iangku adongan ulungku, manassa iatu Puang susito singa unnula’na’ sia Mipakitan pole’na’ kuasa kalle-kalleamMi.

AYUB 37:14

E Ayub, tananni talinga tu iannate, bendanmokomi, ammi palan penaai tu tanda kalle-kalleanNa Puang Matua.

AYUB 37:16

Mitandairaka sidi’ umba nakua tikembongna gaun, tu panggaraga memangnganna To sundun kapais- sananNa,

PA’PUDIAN 145:3

Iatu PUANG pasareongan, sipatu tongan dipudi, iatu kapasareongananNa tang dilambi’ diukkunni.

TOMANGADA’ 3:11

Mangkamo Napadadi melo tu mintu’na lan attunna sia Napatama duka lan penaanna tolino tu pa’tangngaran diona apa situran-turan tempon dio mai, apa moi misa’ tae’ natandai tolino tu diona pengkarangan Nakarang Puang Matua dio mai pamulanna sae lako ma’katampakanna.

AYUB 13:1

Manassa iatu mintu’nato natiromo matangku, sia narangimo talingangku sia kupalanmo penaangku.

PA’PUDIAN 40:6

O PUANG Kapenombangku, budamo tu mintu’ penggauran kalle-kalleamMi mangka Mipogau’, sia mintu’na Mipondokangkan, tu kipomelona; tae’ misa’ apa ma’din dipasangtintiangKomi. Iake la kurundunanni sia la kupokadai, tang dikemba’mo dibilang.