AYUB 5:25 - Sura' Madatu

²⁵ La untiroko kamemba’karanna tarukmu sia bati’mu susito riu dio lu padang.

AYUB 5:25 Referans Kwoze

PA’PUDIAN 112:2

Iatu bati’na la paa lan lino, sia mintu’ taruk bulaanna to ma’bulo lollong la diparongko’.

PA’PUDIAN 72:16

Sangapaoi anna untonda alanna tu gandung dio lu padang, sia anna lo’le-lo’le tu buanna dao lu mentanetena susi kayu dio Libanon, sia ia duka tu to ma’tondok marumbo butung riu dio lu padang.

PA’TOLE 28:4

La masakke tu rianna pa’tambukammu, bura padangmu sia memba’ka’ tu patuoammu, iamotu anak sapimmu sia anak dombamu sia bembe’mu.

KADADIAN 15:5

Nasolammi Puang sun lako salian, Nama’kada Nakua: Mentingarako langngan langi’, bilangi tu mintu’ bintoen, ke mubelai umbilangi. Nakuami ungkuanni: Susi dukamoto tu bati’mu.

SURA’ KATOMINAAN 26:9

Sia la messaileMo’ lako kalemi, angKu popemba’ka’komi sia umpabudakomi sia la Kupabantangmo tu basseta.

YESAYA 48:19

sia iatu bati’mu la susi karangan sia tarukmu la sangtinti bungin; tae’ anna la diputtai tu sanganna ba’tu dipisanni dio oloKu.

KADADIAN 13:16

La Kupapada budanna barra’-barra’ tu lanto mimi’mu. Iake dikulle umbilangi tu barra’-barra’, maneri dikulle umbilangi tu lanto mimi’mu.