AYUB 5:23 - Sura' Madatu

²³ Belanna la siallu’ko tu mai batu dio lu padang, sia sikaeloko olo’-olo’ dio lu kapadanganna.

AYUB 5:23 Referans Kwoze

SURA’ KATOMINAAN 26:6

La Kupaden tu kamarampasan lan tondok, ammi mamma’ tang dipatiramban len; la Kumangsanni tu olo’-olo’ masuru lan mai tondok, sia iatu pa’dang tang la umpandasa tondokmi.

HOSEA 2:18

Sia la Kupotumaiko tontong sae lakona, la Kupotumaiko tete dio kamaloloan sia unnola salunna, tete dio kamasokanan sia kamamasean.

DANIEL 6:22

Mebalimi tu Daniel lako datu nakua: O datu, namasakkemora tu datu sae lakona.

YESAYA 65:25

Iatu guruk na domba sibaa ungkande riu, sia iatu singa la ungkande dalame susi sapi, sia iatu barra’-barra’ la napotuo ula’; tae’ nala umpogau’ kadake sia tae’ nala umpabu’tui tu mesangganginna dao lili’na buntu maindanKu, kadanNa PUANG.

YEHEZKIEL 34:25

La untananNa’ misa’ basse kamarampasan sola tau iato mai sia la Kusarapai tu mintu’ olo’-olo’ masuru lan mai tondok iato, naurunganni ma’din torro marampa’ tu tau iato mai dio padang aak sia mamma’ lan lu pangala’.

YEHEZKIEL 34:27

Iatu mai mintu’ kayu dio lu padang la umpalao buanna sia iatu padang la umpakendek burana. La manaman tu tau iato mai tuo dio lu padangna. Anna tandai, kumua Akumo tu PUANG, ke Kurebongi tu batang ayokana sia Kurampanan lan mai limanna to umpokaunanni.