AYUB 5:12 - Sura' Madatu

¹² Ia umpatangdadi tangnga’na to pakira-kira, anna tang danun tu mai pengkaranganna.

AYUB 5:12 Referans Kwoze

PA’PUDIAN 21:11

La Misabu’i tu bati’na lan mai lino, sia lanto mimi’na lan mai mintu’ ma’rupa tau.

YESAYA 8:10

Iatu apa mikombongan, inang tang la danun; iatu kada misama turu’i, tang la lolo’, belanna Narondongkan Puang Matua.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

PA’PUDIAN 37:17

Belanna iatu takia’na to tang mekaaluk la direbong, apa Nasande’ Puang tu to malambu’.

PENGGAURANNA RASULU’ 12:11

Iatonna mengkilalamo tu Petrus, nakuami: Totemo manassamo kuissan kumua Puang ussua malaeka’Na urrampananna’ dio mai limanna Herodes sia dio mai mintu’ lalan penaanna to Yahudi.

NEHEMIA 4:15

Iatonna rangimi ualingki kumua kiissan nasangmo sia Nadampamo Puang Matua tu tangnga’na, ma’dinmokan sule nasang lako to’ rinding tembo’ pantan lako pa’diamanna.

YESAYA 37:36

Attu iato tassu’mi tu Malaeka’Na PUANG, Napateimi tu surodadunna to Asyur saratu’ karua pulona llima sa’bunna. Iatonna millik tu tau melambi’, natiroi tu mintu’nato, batang rabuk mannamo.

YESAYA 19:3

Attu iato iatu tangnga’na to Mesir la putta, sia la Kudampa tu tanan penaanna; anna male mekutana lako dipa’deatainna sia mintu’ to ma’basa-basa sia bombo to mate sia to sola deata.

AYUB 15:5

Belanna iatu kakelokammu unnada’iko ma’kada susito, ammu pilei tu kada to ma’pakena.

YESAYA 44:25

Akumo tu undampa tanda-tandana to untannun kamo’rangan sia Aku dukamo tu umpatolle mintu’ to pakita-kita; mintu’ to paissan Kupamaling sia iatu kapaissananna baga.

YEREMIA 8:8

Umba la mikua ma’kada kumua: Kami te to paissan; sia dio kaleki tu Sukaran alukNa PUANG? Manassa iatu penaa pa’pakenanna mintu’ to massura’ untonno’ leko’i.

OBAJA 1:8

Tae’raka naallo iato, kadanNa PUANG, Kula umputtai tu mintu’ to paissan lan mai Edom sia iatu tangnga’ kinaa dao mai buntunna Esau?

KADADIAN 31:22

Iatonna ma’tallung alloammo napokadami tau lako Laban nakua: mallaimo tu Yakub.

1 SAMUEL 23:13

Ta’kala ke’de’mi tu Daud sola mintu’ solana, agi-agi annanratu’, tassu’ lan mai Kehila, anna salamba salao lu lako lu dio mai. Iatonna pokadammi tau Saul, kumua tilendokmo tu Daud lan mai Kehila, tae’mi napatarru’ kalingkanna tu datu lako.

2 SAMUEL 11:9

Apa mamma’ bang tu Uria dio tingayo ba’ba tongkonan layukna datu sola mintu’ taunna datu’; tae’ namengkalao sule lako banuanna.

2 SAMUEL 17:14

Nakuami Absalom sia mintu’ to Israel: Iatu pa’timbanganna Husai, to Arki melo na pa’timbanganna Ahitofel. Apa inang pangelorannamo PUANG susito, belanna la Nadampa tu pa’timbanganna Ahitofel, kumua anNa pasaeanni kasanggangan PUANG tu Absalom.

2 DATU 6:9

Nasuami taunNa Puang Matua tu pesua lao umparampoi lako datunna Israel, nakua: Katangkinni tu kalemi lendu’ inde to dio, belanna iatu to Aram mengkalaomo dio.

NEHEMIA 4:9

Apa massambayangkan lako Kapenombangki sia belanna iatu ampena tau iato mai kitiromo angki suai tu to ma’ronda’ allo bongi la umpangeaikanni.

SARAMBU PEADA’ 22:12

Iatu matanNa PUANG ungkaritutui kapaissanan, apa iatu kadanna to tang maruru’ tang Napopembua.

YEREMIA 49:7

Diona Edom. Nakua kadaNa PUANGna mintu’ ma’dandan maritik: Tae’moraka kapaissanan lan T’eman? Lanna’moraka tu pa’tangngaranna to unnampui tangnga’ kinaa sia pa’demoraka kapaissananna tu tau iato mai?