AYUB 42:9 - Sura' Madatu

⁹ Malemi tu Elifas, to Téman, Bildad, to Suah sia Zofar, to Naama, napogau’i susitu mangka Napokadanni PUANG. Naalami penaanNa PUANG tu passambayangna Ayub.

AYUB 42:9 Referans Kwoze

IBRANI 11:8

Bannang dio dukamora kapatonganan, anna turu’i Abraham tonna ditambai, naurunganni tassu’ male lako misa’ inan tu la napoba’gi nasiosso’i bati’na; tassu’mi tae’ natandai umba tu naola.

PENGGAURANNA RASULU’ 9:6

Malimbangunmoko mumale tama tondok, nalanpa mudipokadan tu apa sipatu la mupogau’.

PENGGAURANNA RASULU’ 10:33

Iamoto kusua tu tau untambaikomi; kurre sumanga’na misaemo. Iamoto angki dio nasang ren indete totemo dio oloNa Puang Matua la umperangii tu mintu’ apa Napepasanan Puang lako kalemi.

MATIUS 7:24

Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’,

YOHANES 2:5

Nakuami indo’Na ungkuanni tu mintu’ to ma’paraka: Apa-apa Nakuangkomi, pogau’i.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

AYUB 42:8

Iamoto alami pitu sapi laki sia pitu domba laki, mimale lako Ayub, taungKu, ammi penoloanni sia pemalaranni la mipopemala’ ditunu pu’pu’, anna taungKu Ayub umpassambayangangkomi, belanna ia manna tu passambayangna la naala penaangKu, angKu pobannangi, tang umparampoikomi tu apa kadake, belanna iatu kamu tae’ misusi taungKu Ayub, mangkamokomi umpokada tang maloloNa’.

AYUB 22:27

Iake massambayangko langngan Puang, la Naperangiiko, sia la mupalesso’ tu pangallonammu lako Puang.

AYUB 2:11

Iatonna rangimi sangmuanena Ayub sola tallui tu mintu’ kamandasan urrampoi, pantan saemi dio mai tondokna, iamotu Elifas, to Téman, Bildad, to Suah na Zofar, to Naama, situru’mi sae la lao unto’longi sia umpakatanai.

AYUB 42:10

Napopembalimi PUANG tu dalle’na Ayub, tonna mangka umpassambayanganni tu sangmanena, Nakamasei PUANG tu Ayub Napopanglokkon tu mintu’ apa mangka naampui dolona.

YEHEZKIEL 14:14

sia iake denni dio te tau tallu, iamotu Nuh, Daniel na Ayub, manassa kalena manna tu ma’din narampanan tete dio kamaloloanna, kadanNa Puangta PUANG.

KADADIAN 20:17

Napassambayangammi Abraham tu Abimelekh sola ma’baine sia mintu’ baine sabua’, anna kianak pole sule.

AYUB 22:30

Ia duka tu to kasalan manassa Natundui Puang, sia tete dio kadiseroianna limammu ammu ma’din dikarimmanni.