AYUB 42:10 - Sura' Madatu

¹⁰ Napopembalimi PUANG tu dalle’na Ayub, tonna mangka umpassambayanganni tu sangmanena, Nakamasei PUANG tu Ayub Napopanglokkon tu mintu’ apa mangka naampui dolona.

AYUB 42:10 Referans Kwoze

PA’TOLE 30:3

namane iatu PUANG, Kapenombammu, la ungkamaseiko sia Puang la umpasirampunkomi dio mai mintu’ bangsa, tu Nanii PUANG, Kapenombammi, umpatisambo’komi.

YESAYA 40:2

Ma’kadakomi la umpamanamanni tu penaanna to lan Yerusalem, pemandui meoli lako kalena, kumua upu’mo tu mintu’ kamasarasanna sia tila’bakmo tu mintu’ salana; naappa’mo penduan manglokkon dio mai limanNa PUANG belanna mintu’ kasalanna.

YESAYA 61:7

Iatu la diposondana siri’mi la dikasiri’komi penduan manglokkon sia iatu la diposondana kaditattammu la unnarrak-arrak tu tau iato mai belanna upa’na; iamoto anna la umpokataananni penduan manglokkon tu apa lan tondokna sia la unnappa’ kasendean masae lako.

SARAMBU PEADA’ 22:4

Iatu napobua kaumpamadiongan penaa, iamotu kamatakuran lako PUANG, iamo kasugiran, kadipangkeran sia katuoan marendeng.

PA’PUDIAN 14:7

Naludaomora mai Sion tu kamakarimmananna to Israel! Iake Napaka’pannimi PUANG sule tu serongna taunNa, maneri parannu paiman tu Yakub, la sende pakadua tu Israel.

PA’PUDIAN 126:1

Nanian Hamaa’lot. Iatonna pasulei PUANG tu mintu’ to Sion dirampa, susikan to mangimpi.

PENGGAURANNA RASULU’ 7:50

Tang panggaraga limangKu nasangraka te?

AYUB 1:3

Iatu apanna pitungsa’bu tu domba sola bembe’, tallungsa’bu tu unta, limaratu’ ayokana tu sapi, na limaratu’ keledai birang, sia buda tongan tu mai pa’dua’na, iamoto na iatu muane iato sugi’ lallang na iatu mai mintu’na pa’tondokan dio rampe matallo.

HAGAI 2:8

Ondongpi la Kupatigega’ tu mintu’ bangsa sia ianan maballona mintu’ bangsa la sae, sia la Kuponnoi kamala’biran te banua iate, kadanNa PUANGna mintu’ ma’dandan maritik.

PA’TOLE 9:20

Ia duka tu Harun mandu tongan Nasengkei PUANG, anna morai la ussabu’i; iamoto kupasambayangan dukai tu Harun attu iato.

KADIBILANGAN 12:13

Metambami tu Musa lako PUANG nakua: O Puang Matua, pamondoi tu golenna.

KADIBILANGAN 12:2

Ma’kadami sola duai nakua: Tete dio mannaraka pudukna Musa tu PUANG ma’kada, tae’ dukaraka natete dio kami anNa ma’kada tu Puang? Narangimi PUANG te kada iate.

PENGGAURANNA RASULU’ 7:60

Malinguntu’mi nametamba umpemandui gamaranna nakua: O Puang, da Mipopa’indo’i te kasalan iate lako te mai tau! Tonna mangka ma’kada susito, manglessurammi.

2 OSSORANNA DATU 25:9

Ma’kadami tu Amazia lako taunNa Puang Matua nakua: Umbamo la nakua tu saratu’ talenta tu mangka kuben surodadu Israel? Apa mebali tu taunNa Puang Matua nakua: Iatu diona PUANG tu la Nabenkomi losong na iate.

LUKAS 16:27

Nakuaomi tu to sugi’: O ambe’! kupalaku ammi suai lako banuanna ambe’ku,

1 SAMUEL 2:7

PUANG tu ma’pabongko sia ma’pasugi’. Puang tu ma’pamadiongan sia Ia duka tu ma’pamatande.

PA’TOLE 8:18

Apa la mukilalai tu PUANG, Kapenombammu, belanna Iamo, tu ungkamaseangko kamatotoran la ungkabu’tui tu ianan, kumua anNa palanda’i tu basse, tu Natanan sola nene’ to dolomu Napalaoi sumpa, susitu a’ganna te allo iate.

KADADIAN 20:17

Napassambayangammi Abraham tu Abimelekh sola ma’baine sia mintu’ baine sabua’, anna kianak pole sule.

KADIBILANGAN 14:10

Attu iato sipa’kadami tu mintu’ kasirampunan iato la ulleba’i batu tu tau sola duai. Apa iatu kamala’biranNa PUANG payan lako mintu’ to Israel lan Tenda Kasitammuan.

PA’PUDIAN 53:6

Tonna iato naluang nasang kamatakuran kapua, anna moi to tae’ bannangna nanii mataku’; belanna pantan Napatorro simisa’mo Puang Matua tu buku lampana mintu’ to umpatama limbuko, la mupadenan kamasirisan tu tau iato mai, belanna Natibemo Puang Matua.

YAKOBUS 5:11

Kilalai kumua iatu to bantang, tabilang maupa’; mangkamo mirangi tu kabantanganna Ayub, sia mangkamo mitiro tu katampakanna penggauranNa Puang, kumua sumpu mamase sia liu kaboro’.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.

AYUB 1:2

Tau iato pitu tu anakna muane na tallu tu anakna baine.

AYUB 42:9

Malemi tu Elifas, to Téman, Bildad, to Suah sia Zofar, to Naama, napogau’i susitu mangka Napokadanni PUANG. Naalami penaanNa PUANG tu passambayangna Ayub.