AYUB 4:14 - Sura' Madatu

¹⁴ Narampoimo’ katirambanan sia kama’parondoan, anna popa’parondoi tu mintu’ bukungku.

AYUB 4:14 Referans Kwoze

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

AYUB 33:19

Iatu tolino dipakilala duka diona kamapa’diran dao patindoanna, anna tontong sirari tu kamapa’diran lan buku lampana;

LUKAS 1:29

Napotirambanmi Maria tu kada susito sia nakua lan penaanna: ba’tu la apa nakitanan tu kurre sumanga’ iato.

LUKAS 1:12

Iatonna ta’paimi matanna, tirambanmi tu Zakharia sia sae tu kamatakuranna.

HABAKUK 3:16

Iatongku rangii tu iannato, ma’rundedemi tu ba’tengku, bannang dio oni iato anna ma’parondo tu pudukku, sia langgang tu bukungku, angku ma’parondo dio inan kunii bendan; moi susito la rapa’na’ umpeagii tu allo kapussakan, ke narampoi tu bangsa iato, tu ma’tuntunan sae ullaoikan.

DANIEL 10:11

Ma’kadami lako kaleku nakua: E Daniel, to tarru’ dipakaboro’, palan penaai te kada la kupokadangko sia bendanko, belanna totemo disuana’ sae lako kalemu. Iatonna pokadai te iannate lako kaleku, bendanmo’ ma’parondo.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

PA’PUDIAN 119:120

Rumonting tu kaleku diona kametakuramMi, sia mataku’na’ belanna mintu’ pa’paolaimMi salu.

AYUB 7:14

attu iato Mipatirambanna’ pangimpi sia Mipamataku’na patiro mendeata,

AYUB 4:13

tongku mangka untiroi tu pentiro mendeata tonna bongi, angku ma’tangnga’-tangnga’, tonna kaleppeng-leppenganna tau.

AYUB 4:15

Misa’ penaa sumayang ullendu’ina’ sia umpaka’ba’ mintu’ bulungku.