AYUB 39:5 - Sura' Madatu

⁵ Ma’dinraka muia’ tu bulan kakia’tanganna sia muissanraka tu attu nanii kianak?

AYUB 39:5 Referans Kwoze

AYUB 24:5

Manassa susi bang to keledai lampung, lan padang pangallaran tassu’ male lako pengkaranganna, undaka’ kande; padang aak umpadenanni kande tu anakna.

AYUB 11:12

Umba la nakua tu to tang kinaa la ungkabu’tui kapaissanan, ke la dadi tu iannato, ma’din duka tu anak keledai lampung mendadi rupa tau.

AYUB 6:5

Mangoa’raka tu keledai lampung, ke denni riu malunanna, ba’tu unnorronraka tu sapi, ke denni kandena?

PA’PUDIAN 104:11

Sia umpairu’ mintu’ olo’-olo’ dio lu kapadanganna, sia ia duka tu mintu’ keledai lampung umpapaya ma’rangna.

HOSEA 8:9

Belanna malemo lako Asyur. Iatu misa’ keledai lampung messarak ia, apa Efraim umpatassu’ pamengan la napa’gau’ – salan.

DANIEL 5:21

Ondongpi diali’ dio mai sangbilangan tolino, na iatu penaanna susimo tu penaa olo’-olo’, sia sangtorroammo keledai lampung sia dibenmo riu nakande susi sapi sia nasakka’imo ambun dao mai langi’ tu kalena sae lako naaku, kumua Puang Matua, Patodorannamo, ungkuasai kadatuanna tolino sia untokkoi tu la dadi datu tu minda-minda naala penaanNa.

YEREMIA 14:6

Iatu keledai pangala’ bendan dao tanete rangke sia seka-seka susi serigala; maru’gun tu matanna, belanna tae’mo ria tuo.

YEREMIA 2:24

E keledai pangala’ tu biasa dio lu padang pangallaran, ussurru’ angin natarru’ kamoraianna; mindara ma’din la undampai tu kakurasanna? Mintu’ tu undaka’i damo namasussa, belanna naapparan ke bulan kakurasannai.

YESAYA 32:14

Belanna iatu tambakuku mendadimo kota talo ditampe, iatu kamaruasanna kota membalimo biung-biungan. Sia iatu Ofel sia Menara pa’kampan mendadi lo’ko’mo tontong sae lakona, napoparannu keledai lampung sia nanii baanan sapi sola domba siga’luan undaka’ kande.

KADADIAN 49:14

Iatu Isakhar butung misa’ keledai mawatang, tu la mamma’ lan alla’na da’dua bontong.

KADADIAN 16:12

Iatu pia iato la susi keledai lampung, sia la unnea mintu’ tau, anna mintu’ tau la unnea dukai: la ma’tondok sitingoan naninna mintu’ siulu’na.

AYUB 39:4

Mutandairaka tu attu nanii kianak bembe’ lampung? Mupemarangaraka tu kakianakanna donga birang?

AYUB 39:10

Napetaai tu kamaruasanna kota, sia tang naperangii tu pelallakna to unnula’i;