AYUB 34:11 - Sura' Madatu

¹¹ Senga’ tongan ia tu Puang, umpabala’i tu penggauranna tolino sia pantan Naperasai sitinaya kedona.

AYUB 34:11 Referans Kwoze

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

KADA OMBO’ LAKO RASULU’ YOHANES 22:12

Kilalai, la saeNa’ madoi’, na iatu pepakkan dio mai Kaleku Kubaa len, dikua angKu papakkanni simisa’-misa’i tu tau sitinaya penggauranna.

ROMA 2:6

tu la umpapakkanni simisa’i lako tau, tu sitinayanna penggauranna,

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

YEREMIA 32:19

Tarompo’ tu pa’pana’ta’Mi sia kalle-kallean tu penggauramMi, sia natiro matamMi tu lalanna mintu’ ma’rupa tau la umpapakkanni simisa’-misa’i sitinaya kedona sia sitinaya bunga rangka’na.

PA’PUDIAN 62:12

Pissanmo ma’kada tu Puang Matua, penduammo kurangi Nakua: Iatu kuasa, Puang Matua Ia tu ampunna.

1 PETRUS 1:17

Iake misa’bu’i Ambe’, tu mangra’ta’ tang pakayun bimbang sitinaya penggauranna simisa’-misa’ tau, dadi la lolang mataku’komi, angge mempuemipa lan te lino,

SARAMBU PEADA’ 24:12

Iake ma’kadako mukua: Manassa tae’ kiissanni – tae’raka nala sombo lako Puang tu ussudi mintu’ penaa sia tae’raka Nala untandai Puang, tu umpenunu ba’tengmu sia tae’raka Nala umpabala’i tu penggauranna simisa’-misa’ tau?

SARAMBU PEADA’ 1:31

iamoto la nakande tu bua penggauranna, sia umpedia’i kalena pa’tangngaranna.

AYUB 33:26

Massambayang langngnan Puang Matua, anNa paiman untarimai, naurungan silindo Puang situang kamela’tekan, anNa Puang umbenni sule tu kamaloloanna tolino.

AYUB 34:25

Iamoto, Napalan penaai Puang tu penggauranna, sia Napessambakan Puang tu tau iato ke mabongi, naurungan disanggang tu tau iato mai.

SARAMBU PEADA’ 12:14

Diona buangan kadanna tau, anna dipedia’i kameloan, sia iatu saro ra’ta’na sule lako kalena.

YESAYA 59:18

La Napapakkanni sitinaya penggauranna: iamotu kamare’dekan lako to umbali-balii, sia pepakkan lako ualinNa; iatu mai ma’biring tasikna la Napabala’i.

1 SAMUEL 26:23

Na PUANG pantan la umpapakkanni tu kamaloloanna sia kamarurusanna, belanna PUANG ussorongkomi lako kaleku allo iate, apa manokana’ umpata’pai lima tu to Natokko PUANG.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEHEZKIEL 18:13

na umpalaku denne’, ke ma’peindanni sia ussanta’ denne’, la tuo siaraka tu tau susito? Tae’ nala tuo, belanna mangkamo umpogau’i te mintu’na apa megallian iato. Manassa la mate dipatei. La sule lako kalena tu rara mangka napatibollo.