AYUB 34:10 - Sura' Madatu

¹⁰ Iamoto, kamu te to paissan, perangiina’, kumua Iatu Puang Matua toyang dio mai katangmekaalukan, sia To umpoissan angge maritik toyang dio mai katangmaloloan.

AYUB 34:10 Referans Kwoze

ROMA 9:14

Apara la tapokada? Denraka kabimbanganNa Puang Matua? Inang tae’ ia to!

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

AYUB 8:3

Ma’dinraka tu Puang Matua umpakelok salunna, ba’tu ma’dinraka To umpoissan angge maritik umpakelok kamaloloan?

2 OSSORANNA DATU 19:7

Iamoto la narampoikomi katirambanan tu lu dio mai PUANG; kanandai meloi tu apa mipogau’, belanna dio PUANG, Kapenombanta, tae’ tu apa tang malambu’, tae’ tu mentiro rupa, ba’tu untarima pappe’.

YAKOBUS 1:13

Moi misa’ tau da nama’kada, ke naruai peroso, kumua: Narosona’ Puang Matua, belanna inang tae’ Ia narosoi kakadakean, sia tae’ duka Ia Naurroso tau moi misa’;

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

PA’PUDIAN 92:15

La membua nasangpa kematuami, sia lobo’ sia maluna;

AYUB 36:23

Mindara umpadulluanNi lalan, sia mindara barani ma’kada, kumua mangkamoKomi umpogau’ tang malambu’?

SARAMBU PEADA’ 6:32

Minda-minda tu ma’pangan buni sola misa’ baine, iamoto tae’ inaanna; minda-minda tu umpogau’i te, ussanggang kalena.

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

YEREMIA 12:1

TonganKomi Kamu o PUANG, ke la sikara-karaki’; apa moi susito, moraina’ la sipa’kada Puang diona tu mai apa malambu’, kumua: Ma’apai anna maupa’ tu lalan to tang mekaaluk, sia manaman bang ia tu mintu’ to ma’kedo tang maruru’?

SARAMBU PEADA’ 15:32

Minda-minda untumpu peada’, iamo umpamatuna katuoanna; apa minda-minda umperangii peta’tan, unnappa’ tangnga’ kinaa.

AYUB 34:34

Iatu to paissan la ungkuanna’ sia kinaa, tu umperangiina’, nakua:

AYUB 34:12

Tonganna Iatu Puang Matua tae’ Napogau’ tang malambu’, sia To umpoissan angge maritik tae’ Napakelok salunna.

2 SAMUEL 22:31

Iatu Kapenomban sundun tu lalanNa, iatu kadanNa PUANG tang kabissikan. Iamo napobalulang mintu’ to umposan- de’i.

PA’PUDIAN 145:17

Malambu’ tu PUANG dio mintu’ lalanNa, sia masokan lan mintu’ penggauranna.

ZEFANYA 3:5

Apa iatu PUANG malambu’ dio lu tangngana; tae’ Napogau’i tu tang malambu’; melambi’oi Napasombooi Puang tu atoran malambu’Na; ianna masiangmo, sae dukami. Apa iatu to leko’ tae’ natandai siri’.