AYUB 33:4 - Sura' Madatu

⁴ PenaanNa Puang Matua tu umpadadina’ sia penaa ma’pamurru’Na To umpoissan angge maritik umpatuona’.

AYUB 33:4 Referans Kwoze

AYUB 32:8

Manassa kumua iatu penaa lan ba’tengna ma’rupa tau sia penaanna To umpoissan angge maritik, tu umbenni kapaissanan lako tau iato mai.

KADADIAN 2:7

Nakombongmi PUANG Kapenomban tu tolino dio mai litak, Napamurru’i tama to’tok illongna tu penaa napotuo, susimoto tu tolino mendadi misa’ a’gan tuo.

AYUB 27:3

ianna nii tongan siapi penaangku tu kaleku, sia pa’pamurru’Na Puang Matua lan to’tok illongku,

1 KORINTUS 15:45

Susi dukato den disura’, nakua: Iatu bunga’na tolino iamotu Adam unnala a’gan tuo. Na iatu Adam undi mendadi penaa ma’patuo.

AYUB 10:12

Mikamaseina’ katuoan sia kamaturu-turuan, sia pa’kaduttu’Mi ungkampai penaangku.

PA’PUDIAN 33:6

Tete dio kadanNa PUANG anna kombong tu mai langi’, susi dukato tu mintu’ mengkaponanna dao langi’ kombong tete dio angin sun dipudukNa.

ROMA 8:2

Belanna iatu lalan biasanNa Penaa tu umpa’kamasean katuoan lan Kristus Yesu mangkamo umpopentorro to makakana’ dio mai lalan biasanna kasalan sia kamatean.

AYUB 10:3

Denraka upa’Mi, ke Mipakario-rioi sia Mitibe tu panggaraga limamMi sia Mipaparrangi masiang tu pa’tangngaranna to tang mekaaluk?

AYUB 12:10

Iatu deatanna mintu’ apa tuo, lan limanNa sia penaanna mintu’ ma’ rupa tau.

PA’PUDIAN 104:30

IamMi sua PenaamMi, dadi bangsiami tu mintu’na, sia Mibangla’i tu kuli’na padang.

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.