AYUB 32:6 - Sura' Madatu

⁶ Ma’kadami tu Elihu, anakna Barakheel, to Bus, nakua: Mangurapa’ aku na iatu kamu matessekmokomi; iamoto angku matangka sia mataku’ umpokadangkomi apa tu kutandai.

AYUB 32:6 Referans Kwoze

AYUB 15:10

Den duka dio kaleki tu to ubanan sia to matua induk, tu mandu matua anna ambe’mu.

1 TIMOTIUS 5:1

Da musaraba-rabai to matua-tua, sangadinna pakilala susii misa’ ambe’; sia iatu mai to mangura pasusii siulu’;

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.

TITUS 2:6

Susi dukato la muada’i tu mai muane mangura anna kinaa;

ROMA 13:7

Baya’i lako mintu’ tau tu mipoindanna, iamotu sima lako to minii kaindanan sima, sia sassung lako to minii kaindanan sassung; kataku’i tu to sipatu dikataku’, pangke’i tu to sipatu dipangke’.

AYUB 15:7

Ikoraka tu bunga’na tolino dadi, ba’tu dipadadirokoka dolo na mintu’ tanete?

SURA’ KATOMINAAN 19:32

La ke’de’ko dio tingayona to keuban sia kasiri’i tu to matua sia kataku’i tu Kapenombammu: Akumo tu PUANG.

AYUB 32:2

Re’dekmi ara’na Elihu, anakna Barakheel, to Bus, to bu’tu dio mai tongkonan Ram; re’dek ara’na lako Ayub, belanna nasanga Ayub malolo tu kalena dio oloNa Puang Matua,

AYUB 32:5

Apa iatonna tiromi Elihu, kumua iatu tau tallu tae’mo natiku’bi’ pudukna mebali, re’dekmi tu ara’na.

AYUB 12:12

Denraka kakinaan dio to kaubanan, sia padaraka kamalamberan sunga’ tu kapaissanan?

AYUB 34:1

Ma’kada pole’mi tu Elihu nakua:

AYUB 35:1

Ma’kada pole’mi tu Elihu nakua:

AYUB 36:1

Napatarru’mi Elihu ma’kada nakua: