AYUB 30:8 - Sura' Madatu

⁸ baga, ondongpi to tang dibilang, tu dilolai lan mai tondok.

AYUB 30:8 Referans Kwoze

SARAMBU PEADA’ 16:22

Iatu tangnga’ kinaa napokalimbuang katuoan to unnampui, apa iatu tobaga umpoukungan kabaganna.

MARKUS 6:24

Sunmi tinde pia nakua lako indo’na: Apara tu la kupalaku? Nakuami indo’na: Palakui tu ulunna Yohanes Pa’dio’.

YEREMIA 7:18

Iatu mai anakna urruruk kayu sia iatu ambe’na umpadukku api na iatu bainena ma’gerok ta’pung la nagaragai pa’ranggina dipenomban lako datu baine dao langi’ sia untedok pemala’ pantedok lako kapenomban senga’ la umparosso penaangKu.

YESAYA 32:6

Belanna iatu to baga ma’kada baga sia iatu penaanna umpabu’tu kakelokan: la umpogau’ katangmekaalukan sia umpatale’ kasorong-bokosan dio mai PUANG sia tang ussaile to tangdia’ sia tae’ napairu’i tu to ma’rang.

SARAMBU PEADA’ 1:22

Sangapapira, e to tang paissan, la minii ungkamali’i tu katangpaissanan, sia to pa’tellean umporai ma’telle, sia tobaga ungkabiri’ kapaissanan?

SARAMBU PEADA’ 1:7

Ungkataku’ PUANG iamo pamulanna mintu’ kapaissanan: apa iatu to baga ussayu kakinaan sia peada’.

AYUB 40:4

Susiraka takia’Na Puang Matua tu takia’mu, sia ma’dinraka tu gamarammu gumaluntu’ susi gamaranNa Puang?

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

2 OSSORANNA DATU 22:3

Unturu’ duka bate lalanna bati’na Ahab belanna indo’na tu dadi to ma’pana’ta’na la umpogau’ penggauran kadake.

2 DATU 8:27

Unturu’mi bate lalanna bati’na Ahab sia umpogau’ apa kadake dio pentiroNa PUANG, susi penggauranna bati’na Ahab, belanna to sirapu dio bati’na Ahab.

2 DATU 8:18

Unturu’mi bate lalanna mintu’ datu Israel, susi penggauranna to lan tongkonan layukna Ahab, belanna umpobaine anakna Ahab; napogau’i tu apa kadake dio pentiroNa PUANG.

MATIUS 20:19

Anna sorongi lako to kapere’, natelle-tellei, naongkan-ongkan ue, sia naa’ta’, na allo ma’pentallun Namalimbangun sule.

AYUB 30:7

unnorron dio lu to’ kayu anak, sisi’pin bang diong to’ lelating,

AYUB 30:9

Apa totemo butungna’ naposinggiran bang sia aku tu napoulelean tang kebattuan.

PA’PUDIAN 35:15

Apa iatongku tilende’, parannumi ma’balole’-lole’ tu tau iato mai; to passiboboran tu tae’ kutandai umbalole’na’; tau iato mai tang tore ungkada-kadaina’.

NAHUM 3:6

Kuleba’ko apa masarepa sia la Kupamatunako sia la Kupadadiko pengkitan,