AYUB 30:1 - Sura' Madatu

¹ Apa totemo napetaaina’, minda tu mangura na aku, na iatu ambe’na kusanga tang sipatu kusua male sola tu asu ullaai tuntunan domba sia bembe’ku.

AYUB 30:1 Referans Kwoze

AYUB 12:4

Napokatelleanna’ padangku ma’rupa tau, iatu aku Naperangiina’ Puang Matua, ke meongli’na’ lako Kalena; napokattellean to malambu’ sia to mengkaola lako Puang.

LUKAS 23:35

Sangke’derammi tinde to buda untiroi. Ia duka tu mai kapala-kapala ussitelle-tellei, nakua: Narampanammo tu to senga’, Narampanan todai tu Kalena totemo, ke Iamo Kristus, To Natonno’ Puang Matua!

PA’PUDIAN 69:12

Sia iatongku potamangkale karoro’ napoparumbasanna’ tau iato mai.

2 DATU 2:23

Ke’de’mi Elisa inde to dio mai lako Betel. Iatonna marassan tuka’ langngan, sunmi tu ba’tu pira-pira pia lan mai tondok untelle-tellei sia meoli lako nakua: Kendekmoko mai, to pese! Kendekmoko mai, to pese!

TITUS 1:12

Den misa’i tu tau iato, iamo nabinna, mangka ma’kada nakua: Iatu to Kreta, tae’ mosona mo’rang, olo’-olo’ masuru, to barak tukkunan.

PENGGAURANNA RASULU’ 17:5

Apa iatu mai to Yahudi mabiri’ penaanna, untambai ba’tu pira-pira tu mai to kadake pa’long-pa’long bang dio lu pasa’, nasuami umpamarambai tu to buda, napatigega’i tu tondok, sia urrukka’ banuanna Yason nanii undaka’i tu rasulu’ la nabaa sun lako to buda.

LUKAS 23:39

Iatu to kadake ditoke’ den misa’ untelle-telleI, nakua: Tang KristusroKomika? Lessuran kalenamoKomi Kalemi Milessuran dukakan!

LUKAS 23:18

Rambanmi tu tau metamba takua bang to misa’ri, nakua: Tombonni lao tu tau iatu, iamo kami tu Barabas tassurangkan.

LUKAS 23:14

Iate tau iate mibaa lako kaleku susito umpatipero’ senga’ to buda, na kuparessamo dio tingayomi natae’ bang kuappa’ tu la Naposalana, tu minii umparapa’I.

MARKUS 14:65

Randukmi tinde tau pira untittudui sia umbungku’i tu lindoNa sia natambusuk sia nakua ungkuanNi: Ma’nubua’moKomi! Pantan natampa’mi solana tominaa kapua tu lindoNa.

YESAYA 3:5

Tau iato mai la sikande bete sipakario-rio, sia pia la ullaoi to matua sia to bongko la unnea to la’bi’.

AYUB 30:2

Moi kuporai, apara gai’na lako kaleku tu kamawatangan limanna? Iatu sumanga’na sia kamatotoranna tau iato moro’mo,

PA’PUDIAN 119:51

Lendu’ natelle-telleku to matampo, apa tae’ angku sepang dio mai sukaran alukMi.