AYUB 3:5 - Sura' Madatu

⁵ Kenna poapa ori kamalillinan sia kapittukan tu allo iato, kenna situtu’iori salebu’ makamban, anna patirambanni bosinna allo.

AYUB 3:5 Referans Kwoze

PA’PUDIAN 23:4

Moi angku olai lombok malillin parrak, tae’ duka kukataku’ kasanggangan, belanna Mirondongna’, tarasulu’Mi sia ta’baMi umpakananna’ penaangku.

YEREMIA 13:16

Pangke’mi tu PUANG, Kapenombammi, ke tae’pi Napadadii tu pi’tuk, ke tae’pi mititodo lako buntu ke kasisalan taui bongi, sia urrannuangkomi masiang, apa iatu iannato Napopendadi lillinan parrak, sia Napopembali kapi’tukan.

YESAYA 9:2

Mipopemba’ka’mo te bangsa, amMi pekapuai tu kaparannuanna; la parannu paiman tu tau iato mai dio oloMi susi to kaparannuanna tau, ke pepareanni, sia sangtinti to sila’tekan, ke untaa-taai pangrampa.

AYUB 28:3

Natappui tau tu kamalillinan, sia sumpu sae rokko nanii tau umparessai tu membatunna lan kamalillinan sia lan kapittukan.

LUKAS 1:79

anna kaanan lako to lan kamalillinan sia naonganni bayo-bayo kamatean, sia la umpate’teki’ mata kalambanan lako lalan kasalamaran.

MATIUS 4:16

iatu to torro lan malillinna ungkitamo arrang ma’lana-lana, sia bu’tumo maserona umpanta’i tu mintu’ to torro lan padang naluang kamatean.

YEREMIA 2:6

Sia tae’ nama’kada tu tau iato mai kumua: Umbara Nanii tu PUANG, tu mangka ussolangkanni tassu’ lan mai tondok Mesir sia unnanta’kan unnolai padang aak sia kalo’tokan, misa’ padang rangke sia nabayo-bayoi kamatean, misa’ padang tu tae’ lenpa nalendu’i sia natorroi tau?

AYUB 38:17

Dipasombomoraka lako kalemu tu babangan lino tomate, sia mutiromoraka tu babangan lino lillinan parrak?

AYUB 24:17

belanna iatu mintu’ tau iato, iatu lillinan parrak napasusi melambi’, belanna sialamo pa’patirambanna lillinan parrak.

IBRANI 12:18

Belanna tangia kumua rampo lu lakomokomi api ma’din dirumbu sia dukku, sia lako kamapittukan sia kamalillinan, sia angin bara’,

AMOS 8:10

Attu iato la Kupopembali passanda bolong tu mintu’ pa’gaurammi sia la Kupopembali bating tu mintu’ naniammi. Attu iato la Kupatambeke’i nasangkomi sanda bolong sia la Kupopa’galettung tu mintu’ ulu. Iatu kapassanda-bolongan la Kupabutung sanda-bolong diona anak tungga’ sia iatu ma’katampakanna la susi allo nanii kamaparrisan.

AMOS 5:8

Puangmo, tu ungkombong Bunga’ sia Orion. Puangmo tu umpopembali malillin dadi arrang melambi’, sia umpamalillin masiang dadi bongi; Puangmo, tu unnongli’ uai tasik, anNa patibarrakki dao kuli’na padang – PUANG iamo to tu sanganNa.

YOËL 2:2

Iamotu misa’ allo kamalillinan sia kapi’tukan, misa’ allo saleburan sia lillinan parrak. Susi arrang allo berre’ ussamboi mintu’ buntu, susi dukamo to tu misa’ bangsa makamban sia mawatang. Tae’ lenpa susinna tempon dio mai sia tae’ dukamo nala den, ke attu undi sae lako osso’ situran-turan.

YEHEZKIEL 34:12

Susi misa’ to mangkambi’ untiro baanan dombana, ke dioi lu tangnga domba tisambo’-sambo’na, la susi dukaNa’ to untiro dombaKu sia urrampananni dio mai mintu’ inan, tu nanii tisambo’ male tonna allo massalebu’ sia mapittuk.

YEHEZKIEL 30:3

Belanna maruku’mo tu allo, ondongpi maruku’mo tu alloNa PUANG, iamotu misa’ allo saleburan, nalambi’mo tu attunna mintu’ bangsa.

YEREMIA 4:28

Iamoto, la rosso tu lino sia iatu langi’ dao la ma’pote dibolong, belanna mangkamo Kupokada sia Kura’ta’ tu iannato, sia tae’mo Kupenassanni sia Kuboko’imo.

PA’PUDIAN 107:14

Iamo ussolanni sun lan mai kamalillinan tu tau iato mai sia kapi’tukan, sia urra’ta’i tu mai pungona.

PA’PUDIAN 107:10

Iatu mintu’ to torro lan kamalillinan sia kapi’tukan, manda’ napori kamandasan sia rante bassi.

PA’PUDIAN 44:19

Tae’ natibalik tu penaangki, sia iatu tengkaki tae’ nasepang dio mai lalanMi.

AYUB 16:16

iatu lindoku mararang napobua’ katumangiran, sia iatu kulimbang matangku nasamboi lillinan parrak,

PA’TOLE 4:11

Sia mengkareke’komi ammi bendan diong garonto’ buntu, tonna ma’lana-lana apinna tu buntu langngan tangngana langi’ – tonna kapu’i kamalillinan, gaun sia kapittukan.

AYUB 3:4

Kenna pittukora tu allo iato, da Napekutananni Puang Matua dao masuanggana tu iannato, da naarrangi masiangna.

AYUB 3:6

Bongi iato la naputtai kamapittukan, da naparannu dio lu mintu’ allo lan sangtaun, da nasangbilangan mintu’ bulan.

AYUB 34:22

Tae’ naden len kamalillinan ba’tu lillinan parrak, tu nanii to umpogau’ kakelokan ma’din membuni.