AYUB 3:21 - Sura' Madatu

²¹ Tau iato umpeagi bang kamatean, apa tae’ nasae, nabo’bok tongan losong na iatu ianan membuni.

AYUB 3:21 Referans Kwoze

KADA OMBO’ LAKO RASULU’ YOHANES 9:6

Iake attu iato la undaka’ mate tu tolino, apa tae’ naappa’i; nakamorai la mate, apa iatu kamatean mallai dio mai kalena.

SARAMBU PEADA’ 2:4

iake mudaka’i susi salaka sia musisik susi ianan membuni,

YUNUS 4:8

Iatonna dellekmo allo, pakalan Napadenni Puang Matua tu misa’ angin lu dio mai rampe matallo mapannang tongan, anna nanangi allo tu ulunna Yunus, naurungan malayu tu kalena, sia napalaku, anna matemo, sia ma’kada nakua: Kula’biran mate na iatu tuo.

YUNUS 4:3

Iamoto, o PUANG, alami tu sunga’ku, belanna kula’biran mate na iatu tuo.

1 DATU 19:4

Apa iatu ia, misa-misa male lako padang pangallaran, lan kalingkan sangallo, narampo unno’ko’ lako to’ garonto’ roten, anna kabariimi tu la mate sia nakua: Lendu’ masangku totemo! Alami tu sunga’ku, o PUANG, belanna iate aku tae’ angku mandu melo na iatu mai to doloku.

KADIBILANGAN 11:15

Iake Mipatanggungina’ susito, la’biran Mipateina’, ke unnappa’na’ kamaturu-turuan dio pentiroMi, anna da kutiroi tu kamandasangku.

AYUB 3:22

Parannu-rannu tongan sae lako unnarrak-arrak, ke nakabu’tui tu lamunan.

YEREMIA 8:3

La’biran mate ke la tuomira tu torrona, iamotu mintu’ to torropa dio lu pa’rapuan kadake iate, dio lu mintu’ inan Kunii urrambai tu tau iato mai, kadanNa PUANGna mintu’ ma’dandan maritik.

AYUB 6:8

A’a, dennoupa’ nadipalanda’ siamo tu pengkamoyaku sia Napadadi Puang Matua tu apa kurannuan,

AYUB 6:9

dennoupa’ naalai penaanNa Puang Matua ussanggangna’, anNa e’te’i tu limanNa ungka’tu sunga’ku!

AYUB 7:15

naurungan kupalosongmo tu susito la dikalessek, sia kupalosongmo tu la mate na iatu kamaparrisangku.

AYUB 11:20

Apa kamailuanna to tang mekaaluk umpamalayu matanna, iatu mintu’ lalan pentilindunganna ka’tumo, iatu apa napeagi, ia mannamo tu ka’tuan sunga’.

TOMANGADA’ 4:2

Iamoto kupudii tu mintu’ tomate, tu masaimo ka’tu sunga’na, kumua losong upa’na na mintu’ to tuo, tu tuopa sae lako totemo.