AYUB 27:9 - Sura' Madatu

⁹ La Naperangiiraka Puang Matua tu petambana umpalaku pa’tunduan, ke narampoimi kapussakan?

AYUB 27:9 Referans Kwoze

YEREMIA 14:12

Moi anna ma’puasa tu tau iato mai, tae’ duka Kuperangii tu petambana, sia moi anna pemalaran pemala’ ditunu pu’pu’ sia kande dipemalaran, tae’ duka nakalo’i penaangKu, sangadinna la Kumangsanni pa’dang sia karorian sia ra’ba biang.

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

SARAMBU PEADA’ 1:28

attu iato la metamba-tamba tu tau iato mai lako kaleku, apa tae’ kula mebali, la na daka’na’, apa tae’ naappa’na’.

MIKHA 3:4

Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

PA’PUDIAN 18:41

Mipopemboko’mo mallai tu mintu’ ualingku, sia kumangsannimo tu mintu’ to ungkabiri’na’.

YAKOBUS 4:3

sia massambayangkomi, apa tae’ miappa’i, belanna sala passambayangmi, tu belanna la misa’sakan unturu’ kamoraiammi.

ZAKHARIA 7:13

Susitu katangma’perangianna tau iato mai, tonna tambai Puang, la susi dukato tu tau iato mai metamba, apa tae’ Kutananni talinga, kadanNa PUANGna mintu’ ma’dandan maritik.

YEHEZKIEL 8:18

Iamoto la Kuparampoi peada’ situang kare’dekan ara’Ku. Tae’ Kula ungkasayangi sia tae’ Kula ungkatirinnai. Moi anna melallak-lallak lako to’ talingangKu, inang tae’ Kula umperangii.

YEREMIA 11:11

Iamoto, nakua kadanNa PUANG: Manassa la Kuparampoi kasanggangan tu tau iato mai, natae’ nama’din tu tau iato mai lessu’ dio mai; iake meongli’i tu tau iato mai lako Kaleku, tae’ angKu la umperangii.

PA’PUDIAN 66:18

Iake susinnai la lu lakoi kakadakean tu penaangku, manassa inang tang natanding talingana’ Puang.

YOHANES 9:31

Taissan kumua tae’ Naperangii Puang Matua tu passambayangna to umpogau’ kasalan, iari ia tu to umpengkara’pai sia umpogau’ pa’poraianNa tu Naperangii.

LUKAS 13:25

Iamoto ke ke’de’mi tu ampu banua nasalli’i tu ba’ba, ammi randukmo bendan bang dio salian undedek ba’ba, mikua: O Puang, bungkarangkan kami, anNa mebalimo Nakua: Tae’ Aku kutandaikomi, lu umbarokomi nii sae?

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

SARAMBU PEADA’ 28:9

Minda-minda umpasalai talinga sia manoka umperangii sukaran aluk, moi passambayangna megallian duka.

PA’PUDIAN 109:7

Ianna dibisara, nake dipasalai, sia nake naposalai tu passambayangna.

PA’TOLE 1:45

Attu iato sulemokomi tumangi’ dio oloNa PUANG, apa tae’ Naperangiikomi PUANG sia tae’ Natanannikomi talinga.

SARAMBU PEADA’ 1:27

Iake rampomi tu mipomagiangna susi angin bara’, sia kasanggangammi matira’ mengkareke’ susi talimpuru’, sia iake la narampoikomi kapussakan sia kamatakuran,

PA’PUDIAN 18:42

Metambamo tu tau iato mai, apa tae’ misa’ tau untundui, metamba lako PUANG, apa tae’ Napebalii.