AYUB 27:23 - Sura' Madatu

²³ Massala’pa-la’pa tu mai tau diona tau iato sia ma’uik-uik untellei, kemalei untampe inanna.

AYUB 27:23 Referans Kwoze

BATING 2:15

Mintu’ to lendu’ lalan massala’pa-la’pa diona a’gammu. Ma’telle-telle sia unniling-iling diona a’ganna anak dara Yerusalem, nakua: Iamoraka te tu kota tu disanga sundun kamaballoanna, tu napopaiman mintu’ issinna lino?

ZEFANYA 2:15

Iamote tu kota kasode-sode bang, tu tang untandai kamasussan, tu ma’kada lan penaanna nakua: Aku mannari, na moi misa’ tae’ tu senga’na. Umba nakua anna mempadang lo’bangmo, sia napoinan kapelayoan olo’-olo’ masuru! Minda-minda lendu’ inde to dio mai la ma’uik-uik untelle-tellei sia nadullu-dullu.

1 DATU 9:8

Iate banua iate la daun lauan minda-minda tu ullendu’i, la magiang sia natelle-telle, anna ma’kada nakua: Ma’apai, anNa pasusii PUANG to te tondok sia banua iate?

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.

YEREMIA 19:8

Sia kota iate la Kupopendadi apa napotiramban tau sia dadi misa’ apa nabellu’i tau; minda-minda ullendu’i la tiramban sia natelle-telle belanna diona mintu’ kasangganganna.

SARAMBU PEADA’ 11:10

Mintu’ pa’tondokan umpoparannui tu kamauparanna to malambu’, apa iake sanggangi tu to tang mekaaluk, unnarrak-arrak tu mintu’ tau.

AYUB 18:18

La di suale dio mai to’ maserona tama to’ malillinna sia diula’i dio mai to’ naninna tau.

AYUB 7:10

Tae’ lenmo nasule lako banuanna, sia tang natiromo tu inan katorroanna.

AYUB 20:8

Pa’de susito pangimpi sia tang diappa’mo, disapui susito patiro mendeata ke bongi.

AYUB 28:1

Den duka tu padang nanii tau umpabu’tu salaka, sia inan tu nanii tau unnembong bulaan;

AYUB 34:37

Belanna iatu kasalanna naranganni pole’ kapatodo-tintingan, iamotu massala’pa dio tingayoki sia ungkada layukki Puang Matua.

YEHEZKIEL 25:6

Belanna inde sia tu kadanNa Puangta PUANG: Belanna massala’pa-la’pamoko sia mentarassa-rassamoko sia lendu’ parannummu untelle-telle tondok Israel, tu umpamapallai,

NAHUM 3:19

Tae’mo kameloanna tu kale le’tomu, tae’mo na la mondo tu bangkemu. Iatu mintu’ to urrangi karebammu, ussa’pa-sa’pa pala’na diona iko, belanna mindara tu tang la tontong narampoi tu kakadakeammu?