AYUB 27:13 - Sura' Madatu

¹³ Inde sia tu taana to tang mekaaluk dio mai kaleNa Puang Matua sia taa mana’na to ma’pakario-rio, tu natarima dio mai To umpoissan angge maritik.

AYUB 27:13 Referans Kwoze

YESAYA 3:11

Upu’ allona tu to tang mekaaluk, la narampoi kakadakean tu tau iato, belanna la dipasisurung kande limanna.

2 PETRUS 2:9

iake susito, payanmo kumua Naissan Puang urrampanan mintu’ to mengkaola lan mai kadirosoan, sia umpattang mintu’ to kelok penaanna sae lako allo pangukungan, anNa pakario-rioi,

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

TOMANGADA’ 8:13

Apa iatu to tang mekaaluk tae’ nasalama’, sia tae’ namalambe’ sunga’na, sangadinna susi bangri to bayo-bayo, belanna tae’ namataku’ dio oloNa Puang Matua.

PA’PUDIAN 12:5

Iamotu mintu’ to ma’kada nakua: Lilaki la kipopatalo! Sia pudukki umpangeaikan; mindapara tu la umparentakan?

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

AYUB 31:3

Tangiaraka kasanggangan tu taana to leko’ sia tangiaraka kamandasan tu taana to umpogau’ kakelokan?

AYUB 27:12

Inang mintu’komi untiro kalenai: ma’apari ammi ma’tangnga’ tae’ gai’na?

AYUB 31:2

Belanna apara tu taa Napamanassa Puang Matua dao mai madaona, sia taa mana’ Nalampak To umpoissan angge maritik dao mai masuanggana?