AYUB 26:7 - Sura' Madatu

⁷ Nae’te’ tu rampe daanna lu daona lu apa tang tibori’pa, Natoke’ tu lino dao apa tae’.

AYUB 26:7 Referans Kwoze

AYUB 9:8

Ia manna misa’ umpatiballa’ langi’ sia umpopentengka lentekNa dao ma’bombangna tasik.

YESAYA 40:22

Iatu Puang unnisung dao lino malepong, na iatu tolino butung bangri batik. Ia umballa’ langi’ takua to sampin, Naballa’ susito tenda nanii torro.

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.

PA’PUDIAN 24:2

Belanna Iamo unnoton parandanganna lino dao tasik, sia umpabantangi dao minanga kalua’.

YESAYA 40:26

Mentingarakomi langngan, ammi tiroi; mindara umpadadi te mintu’ ma’dandan maritik dao? Iamotu Puang tu umpopa’lengkoanni tassu’ tu sangtuntunan kapua baananna sia tu untambai simisa’-misa’i sanganna tu mintu’nato tete dio kakapuanna matoto’Na sia kakapuanna paanNa; na moi misa’ tae’ torro.

AYUB 38:6

Umbara nalambi’ tu lentongna tonna diparokko, ba’tu mindara unnotonni tu batu petaunna,

PA’PUDIAN 89:12

Kamumo puangna langi’ sia Kamu duka puangna lipu daenan; iatu lino sola mintu’ issinna, Kamumo unnotonni tu parandanganna.

ZAKHARIA 12:1

Inde sia tu kada Napa’petanggungan Puang Matua, iamotu kadanNa PUANG diona Israel. Susite tu kadanNa PUANG, tu umballa’ langi’ sia umparandanganni lino sia ungkombong penaanna tolino lan ba’tengna.

PA’PUDIAN 89:13

Iatu ulunna salu kalua’ sola pollo’na uai Kamu umpadenni: Iatu buntu Tabor sola Hermon mela’tek tete dio sangamMi.

YESAYA 40:21

Tae’raka miissanni? Tae’raka mirangii? Tae’raka midipokadan tempon dio mai? Tae’raka miissanni tu diona parandanganna lino?