AYUB 26:14 - Sura' Madatu

¹⁴ Manassa iatu iannato tampakna manna tu lalanNa, sia ia manna tu kada pa’bisikNa tarangi dio mai Puang. Mindara ma’din unnattai tu gumalugunna kamatotoranNa?

AYUB 26:14 Referans Kwoze

PA’PUDIAN 145:3

Iatu PUANG pasareongan, sipatu tongan dipudi, iatu kapasareongananNa tang dilambi’ diukkunni.

PA’PUDIAN 139:6

Iatu kapaissanan iato lendu’ namangngaingku, sia lendu’ mandalanna, tang kulambi’.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

PA’PUDIAN 29:3

Iatu gamaranNa PUANG gumalugu dao lu uai, iatu Puang Matua sumpu mala’bi’ umpamagaluntu’ guntu’, Iamotu PUANG untongkonni mintu’ uai buda.

AYUB 40:9

Iake susito Aku duka la umpudiko, belanna iatu lima kananmu umpapataloko.

AYUB 36:29

Sia minda dukara untandai katiballaranna salebu’ sia iatu oni gumaluntu’Na tu tassu’ lan mai tendaNa Puang?

AYUB 4:12

Sangbuku kada membuni urampoina’, sia tialling tama talingangku tu pa’bisikna,

1 SAMUEL 2:10

Minda-minda sigaga PUANG, la disanggang; la gumaluntu’ tu Puang lako kalena dao mai langi’. PUANG umpaolai salu tu mintu’ randan langi’, Ia la ungkamaseanni kamawatangan tu datunNa, sia la umpataranggai tandukna tu to Natokko.

AYUB 37:4

Gumalugu tu gamaranNa dio boko’Na, Napagumaluntu’ tu gamara kamala’biranNa, sia tae’ Napadapai, ke unnonimi tu gamaranNa.

AYUB 37:5

Napagumaluntu’ kalle-kallean Puang Matua tu gamaranNa; Napogau’ tu penggauran tarompo’, sia tang talambi’;

AYUB 42:5

Ia manna tu tamanna talingangku kunii urrangii tu diona Puang, apa totemo matangku kalenamo umpemaranga Puang.

HABAKUK 3:4

Den misa’ silo susi arrangna matallo, dio sa’deNa nanii dukku arrang pandila-dila, den dio tu pa’bungku’ kamatotoranNa.

TOMANGADA’ 11:5

Susitu iko tae’ mutandai tu lalanna angin sia umba nakua tu bukunna pia lan pa’tambukanna misa’ baine ma’tambuk, susi dukamoto tae’ muissanni tu penggauranNa Puang Matua, tu ungkombong mintu’na.