AYUB 26:12 - Sura' Madatu

¹² Naparapa’ tu tasik tete dio kamatotoranNa, sia Napessambakan tu Rahab tete dio kamanaranganNa.

AYUB 26:12 Referans Kwoze

YESAYA 51:15

Belanna Akumo tu PUANG, Kapenombammu, tu umpatikalulun len tasik anna mariak bombangna; iatu sanganNa: PUANGna mintu’ ma’dandan maritik.

YEREMIA 31:35

Inde sia tu kadanNa PUANG, tu umpaden mata allo la unnarrangi masiang sia umpana’ta’ bulan sia mintu’ bintoen la unnarrangi malillin sia usse’go’ tasik, naurunganni mongngo’ tu bombangna; PUANGna mintu’ ma’dandan maritik iamoto tu sanganNa;

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

AYUB 12:13

Dio Puang nanii tu kakinaan sia kamawatangan, Puang unnampui pa’tangngaran sia patiro melo.

AYUB 9:13

Iatu Puang Matua tae’ Napatananni tu kare’dekan ara’Na, diong kuasanNa nanii tukku tu patunduanna Rahab;

YAKOBUS 4:6

Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

YESAYA 2:12

Belanna mangkamo Napamanassa PUANGna mintu’ ma’dandan maritik tu allo la urrampoi mintu’ to umpamadao penaanna sia to matampo sia mintu’ to ussattuan kalena, kumua anna dipampa lu rokko.

PA’PUDIAN 74:13

Diona kuasamMi amMi mangka umballak tasik, sia untesse ulunna mintu’ naga lan to’ uai.

PA’PUDIAN 29:10

Iatu PUANG unnisungmo dao lu uai buda, ondongpi iatu PUANG unnisung butung datu sae lakona.

AYUB 26:11

Tirodan tu lentongna langi’ sia tiramban napobua’ pa’garrakNa.