AYUB 24:23 - Sura' Madatu

²³ Puang ungkarimmanni kamarampasan tu tau iato, anna posanderanni sia matanNa Puang ummanta-mantai tu lalanna.

AYUB 24:23 Referans Kwoze

SARAMBU PEADA’ 15:3

Iatu matanna PUANG umpemaranga mintu’ inan, sia umpemaranga mintu’ to kadake sia tomelo.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

LUKAS 12:45

Apa iake ia lan penaanna tu tau iato, kumua: masai siapa namane sae puangku; naparandukki ungkambei tu mintu’ kaunan, nala muane, nala baine, sia kumande sia mangiru’ samalangona;

HABAKUK 1:13

Mandu masero tu matamMi untiro kakadakean, sia tang Mitanan umpemarangai tu pa’pakario-rio, ma’apai Minenne’ umpemarangai tu to tang maruru’ sia kappaKomi, ke naampello’i to tang mekaaluk tu to mandu malambu’ na ia.

AMOS 9:2

Moi anna kali tau iato mai sae rokko lino to mate, la naala duka limangKu inde to diong mai; moi kendek langngan langi’, la Kupopengkalao duka inde to dao mai.

AMOS 8:7

Umposumpa kamala’biranna Yakub tu PUANG Nakua: Tonganna tae’ Kula ungkalupai sae lakona moi misa’ tu penggauranna tau iato mai.

YESAYA 56:12

(Ma’kadami nakua): Maikomi, angku alangkomi uai anggoro’, anta iru’ pangiru’ mepamalango; susite allo totemo, susi dukato masiang, mandu pole’pa marua’na.

TOMANGADA’ 8:11

Belanna tae’ namadomi’ dipaolai ukungan tu penggauran kadake, iamoto na iatu penaanna mintu’na ma’rupa tau morai bang la umpogau’ kadake.

TOMANGADA’ 5:8

Maupa’ sia tu tondok lan mintu’nato, ke denni misa’ datu, tu ungkanandai lakoan padang.

SARAMBU PEADA’ 5:21

Belanna iatu lalanna simisa’-misa’ tau payan dio pentiroNa PUANG, Napenunu tu mintu’ tengkana.

AYUB 12:6

Marampa’ tu tendana to ma’pakario-rio sia manaman tu to umpare’dek ara’Na Puang Matua, mintu’ tu to morai ungkuasai Puang Matua.

AYUB 11:11

Belanna Natandai tu to bulituk, sia Natiro tu kakelokan moi tae’ Namale umpenunui.

AYUB 10:4

Miampuiraka tu mata tolino, patiroroKomika susi patirona ma’rupa tau?

AYUB 31:4

Tae’raka Napenunui Puang tu lalanku sia tae’raka Naia’i tu mintu’ tengkaku?

AYUB 34:21

Belanna iatu matanNa umpenunu lalanna tolino, sia Natiro tu mintu’ tengkana.

PA’PUDIAN 119:168

Kutoe manda’ tu mintu’ parentaMi sia kasa’biamMi. Belanna mintu’ lalanku payan nasang dio oloMi.

PA’PUDIAN 10:5

Mintu’ lalanna tontong bang maupa’, iatu pa’paolaimMi salu tang nalambi’ tangnga’na langngan, sia mintu’ balinna natuai.