AYUB 24:13 - Sura' Madatu

¹³ Iatu to senga’ sangbilangan ualinna masiang, tae’ natandai tu batattaNa sia tae’ natorro dio lalanNa.

AYUB 24:13 Referans Kwoze

YUDAS 1:6

Sia mintu’ malaeka’ tang undampang pangka’na, sangadinna ussalai kao’koranna, Napattang rante bassi matontongan Puang naonganni kamalillinan sae lako pangukungan allo kapua iato.

SARAMBU PEADA’ 4:19

Iatu lalanna to tang mekaaluk susi kamapittukan; tae’ naissanni tu apa ma’din la nanii titodo.

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.

YAKOBUS 4:17

Iamoto, iake to unnissan umpogau’ melo, apa tae’ napogau’i napokasalan.

ROMA 1:32

Moi natandai tu atoran Nalampak Puang Matua, kumua iatu to umpogau’i susito sipatu la mate, apa tae’ napogau’ mannai susito, sangadinna nasarrang pole’pa tu to umpogau’i.

YOHANES 15:6

Iake denni tau tae’ nareso’ lan Kaleku, dialai lao lako salian susitu tangke anggoro’, anna marangke; anna rampunni tau, anna pembuanganni tama to’ api, namampu’.

YOHANES 12:40

Napabuta Puang Matua tu matanna tau iato mai sia Napamakarra’ tu penaanna, kumua da anna pakita tu matanna sia mangingaran tu penaanna namengkatoba’, angKu pamalekei.

YOHANES 12:35

Nakuami Yesu ungkuanni tinde mai tau: Sattu’mora tu arrang la misisolan; malemokomi su’ding denpi tu arrang misisolan da ammi kalillinan. Minda-minda tu lumingka lan kamalillinan, tae’ naissanni tu naolainna.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

YOHANES 8:31

Nakuami Yesu ungkuanni tu to Yahudi umpatonganNi: Iake manda’i mipentoei tu kadangKu, manerokomi anak gurungKu tongan;

AYUB 5:14

Iake masiangi sumpumo lan kamalillinan, sia iake tangngai allo, sumalappa susi ke bongi.

AYUB 24:12

Lan mai kota nanii kendek tu sarro pekaindo’na to la mate sia penaanna to bangke metamba umpalaku pa’tunduan, apa tang Napalan penaa Puang Matua tu passambayangna.

AYUB 24:14

Iake la berre’i allo ke’de’mi tu to papatean sia napatei tu to makario-rio sia mase-mase, sia iake bongi susi bang misa’ to boko.

1 DATU 3:20

Millikmi tinde baine tonna ma’tangnga bongi, naalai tu anakku dio mai sa’deku tongku leppeng, napamamma’i lan rianna na iatu anak matena napamamma’ lan riangku.

AYUB 24:16

Iake malillinmi nalo’po tu banua tama, iake masiangi untutu’i ba’ba kalena, tae’ namorai sitandan masiang;

AYUB 38:13

la ungkaka’ mintu’ randan langi’, naurungan dita’pii lan mai tu to tang mekaaluk?

AYUB 38:15

Attu iato iatu to tang mekaaluk dialaimo arrangna, sia iatu lima tiangka’ dile’tomo.