AYUB 22:13 - Sura' Madatu

¹³ Apa ma’tangnga’ko mukua: Apara natandai tu Puang Matua? Ma’dinraka ma’paolai salu tu Puang lan mai kapittukan?

AYUB 22:13 Referans Kwoze

YEHEZKIEL 8:12

Ma’kadami lako kaleku Nakua: E ma’rupa tau, mutiromoraka tu apa napogau’ mintu’ pekaamberan to Israel lan kalillinanna pantan lan lu bilikna, nanii patta? Belanna nakua lan penaanna: Tae’ Natiroki’ PUANG. Natampemo PUANG tu tondok iate.

PA’PUDIAN 10:11

Ma’kadami lan penaanna nakua: Tang Nakilalaimo Puang Matua, Nabuni tu lindoNa, tarru’ tae’mo Natiroi.

PA’PUDIAN 73:11

Anna ma’kada nakua: Ma’apai anNa la unnissanni Puang Matua tu iannato? sia ma’apai anna la den paissanna tu To patodoranna?

YEHEZKIEL 9:9

Ma’kadami lako kaleku Nakua: Iatu kakadakeanna to Israel sia to Yehuda tarru’ makambanmo, naurunganni iatu tondok iato naponnoi indan to’doan rara sia iatu kota naponnoi penggauran umbulang leko’ salunna belanna nakua tau iato mai lan penaanna: Natampemo PUANG tu tondok iate sia tae’mo Nasailei PUANG.

YESAYA 29:15

Upu’ allona tu to ullammakanni PUANG tu lalan tangnga’na sia iatu mai to naluang kamalillinan tu gau’na sia iatu to ma’kada kumua: Mindara la untiroki’ sia mindara la unnissanki’?

PA’PUDIAN 59:7

Bongi-bongi sae sule tu tau iato mai, sia mengua’-ngua’ susi asu sia sisellukan len lan kota.

PA’PUDIAN 64:5

La untinaranni to ma’bulo-lollong dio mai to’ kabunianna; tang magiang ta’pa untinaranni.

ZEFANYA 1:12

La dadi attu iato, kumua la Kubia’i Kuparessa tu Yerusalem; la Kuukung tu mintu’ muane malompona tu mari’pi bang unniru’ anggoro ponno tainna, sia iatu ma’tangnga’ lan penaanna, nakua: Iatu PUANG tae’ Napogau’ melo sia tae’ Napogau’ kadake.

PA’PUDIAN 139:11

Iake kukuai kumua: Melo ke nasamboina’ malillin, anna bongi membali masiang untikuina’;

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.

AYUB 34:22

Tae’ naden len kamalillinan ba’tu lillinan parrak, tu nanii to umpogau’ kakelokan ma’din membuni.

PA’PUDIAN 139:7

Umbara la kuola untoyangan PenaamMi? Ba’tu umbara la kuola umpallaian oloMi?

AMOS 9:2

Moi anna kali tau iato mai sae rokko lino to mate, la naala duka limangKu inde to diong mai; moi kendek langngan langi’, la Kupopengkalao duka inde to dao mai.

AMOS 9:3

Sia iake la messu’bui dao botto Karmel, manassa Aku la umparessai sia la unnalai inde to dio mai, moi umbuni kalena dio mai pentiroKu diong salinna tasik, manassa la Kusua tu misa’ ula’ inde to dio mai untotokki.