AYUB 22:12 - Sura' Madatu

¹² Tang unnisungiraka matandena langi’ tu Puang Matua? Tiroi, sangapa malangka’na langngan tu bintoen!

AYUB 22:12 Referans Kwoze

TOMANGADA’ 5:2

Belanna susito tindo dadi, belanna kabudanna sara’, susi dukato tu kada kabagan diona kabudanna ulelean.

AYUB 11:8

Iatu iannato malangka’ ten to langi’; apara tu ma’din mupogau’? Mandalan na lino tomate; apara tu ma’din mutandai?

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

PA’PUDIAN 115:16

Iatu langi’ langi’na PUANG, apa iate lino Naba’giammo ma’rupa tau.

PA’PUDIAN 115:3

Iatu Kapenombangki dao mai suruga, mintu’ pa’poraianNa Napogau’ Ia.

AYUB 11:7

Ma’dinraka mutarru’ tu rasianNa Puang Matua, sia ussuka’ To umpoissan angge maritik sae lako ma’katampakanna?

AYUB 35:5

Mentingarakomi langngan langi’ sia tiroi, penunukomi salebu’ langngan daomi lu;

TOMANGADA’ 5:1

Da mumadomi’ ma’kada sia da nasasai penaammu umpatassu’ kada dio oloNa Puang Matua; belanna lan Ia suruga tu Puang Matua, ammu dao iko kuli’na padang, iamoto la sidi’ri tu kadammu.