AYUB 21:25 - Sura' Madatu

²⁵ Iatu senga’na mate mapalla tongan, tu tang ussa’ding len melona.

AYUB 21:25 Referans Kwoze

AYUB 7:11

Apa totemo ia duka tu aku tang kupadapamo tu lilaku, sangadinna la ma’kadana’ lan kapussakan penaangku, sia la sumarrona’ lan kamapairan deatangku.

YEHEZKIEL 12:18

E ma’rupa tau, la ma’parondoko ungkande rotimmu sia la ma’paganggangko sia rosso penaammu unniru’ uaimmu.

TOMANGADA’ 6:2

iamotu tau Naben Puang Matua kasugiran, ianan buda sia kapaan, naurungan moi misa’ tae’ kurang tu mintu’ apa nakamorai, apa tae’ Naeloranni Puang Matua la umperasai melona, sangadinna to senga’ pura ungkandei. Iatu apa iato tae’ gai’na sia umpa’dikki tongan penaa.

SARAMBU PEADA’ 14:10

Penaanna kalena tu tau untandai karossoanna, sia iatu kaparannuanna tae’ nabelai to senga’ umperasai sola.

AYUB 20:23

La Napa’pediaran tau iato iamoto Narampananni Puang Matua tu kasengkean dukkunNa ullaoi, tu Nabarrakan susito uran lako kalena napokande.

AYUB 10:1

Iatu penaangku mosomo tuo, kulendokan bang tu sarroku, sia ma’kadana’ lan kamapairan penaangku.

AYUB 9:18

Tae’ Naeloranna’ melayo, sangadinna Napedia’ina’ kamapairan.

AYUB 3:20

Ma’apai Napatiroanni masiang tu to mandasa, sia katuoan lako tu to rosso tongan penaanna?

1 DATU 17:12

Mebalimi nakua: La lelukraka tuoNa PUANG, Kapenombammi, moi misa’ pa’ranggina tae’mo torro, sangadinna ta’pung manna sangsomba lan kurin sia minna’ sidi’ lan tonde. Urrurukmo’ kayu inde sidi’; la malemo’ lako banua umposarasan kaleku sola anakku muane; iake purami kikande to, la matemokan.

2 SAMUEL 17:8

Sia nakuapa Husai: Mitandai kumua iatu ambe’mi sia mintu’ taunna lalong nasang, sia mapalla susi beruang setangan dio lu padang, tu sisayuran anakna. Ondongpi iatu ambe’mi to malute parari, dadi tae’ nala torro ma’bongi sola mintu’ to buda.

AYUB 21:24

iatu aakna malompo tongan, sia malunak tu utak bukunna.

AYUB 21:26

Pada sumpandan lan to’ barra’-barra’, sia ulli’-ulli’ ussamboi tu tau iato.