AYUB 21:22 - Sura' Madatu

²² Denraka misa’ tau unnada’i kapaissanan Puang Matua, anNa Ia umpaolai salu tu to dao suruga?

AYUB 21:22 Referans Kwoze

ROMA 11:34

Apa mindara ia unnissanni tu lalan penaanNa Puang? ba’tu mindara tu to ma’pakilalanNa?

1 KORINTUS 2:16

Belanna mindara tu unnissan lalan penaanNa Puang, naurunganni umpatudu Puang? Apa iatu kita te unnampuiki’ lalan penaanNa Kristus.

YUDAS 1:6

Sia mintu’ malaeka’ tang undampang pangka’na, sangadinna ussalai kao’koranna, Napattang rante bassi matontongan Puang naonganni kamalillinan sae lako pangukungan allo kapua iato.

2 PETRUS 2:4

Belanna iake tae’i anNa dampangi Puang Matua tu malaeka’ tonna pogau’ kasalan, sangadinna Napembuangan tama naraka sia Napatama lo’ko’ kamalillinan sia Napattang sae lako diukungna,

1 KORINTUS 6:3

Tae’raka miissan kumua kita la umpaolai salunna tu malaeka’ undinna? Ontong pissanpiraka tu diona kara-karana te lino?

YESAYA 45:9

Upu’ allona tu to sisarangnga’ To tumampana, susi bangri to misa’ bibang dio lu to’ bibang. Ma’apari nala ma’kada tu pitti’ lako to ma’tampa, kumua: Apara mutampa? ba’tu nakua tu panggaragammu: Tae’ nakelima?

TOMANGADA’ 5:8

Maupa’ sia tu tondok lan mintu’nato, ke denni misa’ datu, tu ungkanandai lakoan padang.

PA’PUDIAN 82:1

Pa’pudianna Asaf. Tongkon tu Puang Matua lan tinimbunna deata, sia urra’ta’ ukungan lan lu mintu’ deata.

AYUB 40:2

Ma’tambeke’ko susito misa’ muane, la Kukutanaiko, ammu pakilalaNa’.

AYUB 36:22

Manassa iatu Puang Matua mala’bi’ tu penggauranNa situang kamatotoranNa; mindara misa’ to mangada’ susi Puang?

AYUB 35:11

tu mandu umpamanarangki’ na iatu olo’-olo’ dao kuli’na padang sia ungkamaseiki’ kakinaan losong na mintu’ manuk-manuk dao langi’?

AYUB 15:15

Manassa iatu to maseroNa tae’ Nakatappa’i Puang, moi anna mintu’ to untorroi suruga tae’ duka namasero dio pentiroNa;

AYUB 4:18

Manassa iatu mai taunNa tae’ Nakatappa’i sia iatu mai malaeka’Na Naapparan tu kapusanna;

AYUB 21:21

Denraka nala umpalan penaai tu to lan banuanna ke matemi, ke dika’tumi tu bilangan bulanna?

AYUB 36:23

Mindara umpadulluanNi lalan, sia mindara barani ma’kada, kumua mangkamoKomi umpogau’ tang malambu’?

AYUB 38:3

Pa’bakkanni tu aakmu susito misa’ muane, angKu kutanaiko, ammu pamanassanNa’.

YEREMIA 23:18

Belanna mindamora ma’dioren lan kombonganNa PUANG la unnissanni sia urrangii tu kadanNa? Mindamora tu untananni talinga sia urrangii tu kadanNa?