AYUB 20:21 - Sura' Madatu

²¹ Tae’ bang apa tilendok napobua’ kabarakanna, iamoto natang marendeng tu rongko’na.

AYUB 20:21 Referans Kwoze

YEREMIA 17:11

Susi manuk lampung unnarranni tangia tallo’na, susi dukamoto tu to urrampun tang malolo ianan; lan kamatangnga – taunna manassa la natampe sia iatu kama’tampakanna la susito baga.

AYUB 18:19

Tang la membati’ sia tang la mentaruk dio lu bangsana, sia tae’mo misa’ tau la torro lan inan nanii.

AYUB 15:29

Tae’ natontong sugi’ sia iatu mai iananna tang la marendeng, sia iatu mai apanna tang la kerangan dao kuli’na padang.

AYUB 15:21

Iatu oni apa mepatiramban tialling lan talinganna, iake lanni kamarampasan tongan narampoimi to ma’kasanggang.

YESAYA 5:8

Upu’ allona tu to umpasirapi’-rapi’ banua sia to umpasikande-kande pa’lak, naurunganni tae’mo pa’pa’lakan sia kamu mannamo tau lan tondok.

YESAYA 5:9

Mangkamo ma’kada lako kaleku tu PUANGna mintu’ ma’dandan maritik, kumua: Tae’ anna tang la pa’tombonan batu tu ba’tu pira-pira banua sia iatu mai banua kapua na maballo la lo’bangmo.

AMOS 3:10

Ondongpi tae’ naissanni umpogau’ malambu’na, kadanNa PUANG, iamo tu to umpasipapa’ pa’pandasa sia pa’pakario-rio lan mintu’ bentengna.

AMOS 3:11

Iamoto, inde sia tu kadanNa Puangta PUANG, Nakua: Iatu uali untikui tondok! Iatu kamabukuammu napalurokkomo, dialaimo dio mai kalemu sia iatu bentengmu dilo’do’imo lan mai.