AYUB 20:12 - Sura' Madatu

¹² Moi anna matappa’ tu kakadakean lan sadangna, moi anna bunii diong to’ lilana,

AYUB 20:12 Referans Kwoze

PA’PUDIAN 10:7

Iatu sadangna ponno tampak ropu sia lando pa’du sia pa’pakario-rio, sia dio tampak lilana den kakelokan sia kakadakean.

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

AYUB 15:16

ondongpissan tu to megi’giran sia to kadake liu, iamotu tolino, tu unniru’ kakadakean butung uai.

SARAMBU PEADA’ 20:17

Iatu roti napabu’tu pa’pakena matappa’ nakande tau, apa undinna iatu sadangna naponnoi karassik.

KADADIAN 3:6

Natiromi tinde baine, kumua melo la dikande tu bua kayu iato sia dipora’dik untiroi, ondongpi iamo misa’ kayu sipatu dikaduangi la umpabu’tu kamanarangan, naalami tu buanna nakandei sia naben duka muanena, anna kandei sola.

2 SAMUEL 11:12

Ma’kadami Daud lako Uria, nakua: Melo ke torropoko inde te allo iate, masiangpa kumane ussuako sule. Torromi tu Uria dio Yerusalem to allo iato sia masiangna.

SARAMBU PEADA’ 19:28

Iatu to sa’bi bulituk untelle bang tonganna, sia iatu puduk to tang mekaaluk unnamma’ bang kakelokan.

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.