AYUB 2:12 - Sura' Madatu

¹² Iatonna mambelapa nabangunammi tu matanna, tae’mi natandai tu Ayub. Ma’urrukammi umpekapuai gamaranna, anna kake-kakei tu bayu lamba’na, anna ambo’i barra’-barra’ tu ulunna nasumarombon langngan langi’.

AYUB 2:12 Referans Kwoze

YEHEZKIEL 27:30

Tau iato mai silallakan untangi’iko sia mapalla tongan anna ma’urrukan, napalangnganni barra’-barra’ tu ulunna sia mentombang lan to’ au.

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

NEHEMIA 9:1

Iatonna allo ma’penduangpulona nna’pa’ bulan iato saemi sirampun tu mintu’ to Israel nama’puasa sia ma’pote dibolong sia nanii barra’-barra’ tu ulunna.

AYUB 1:20

Attu iato ke’de’mi tu Ayub, na kake-kakei tu bayu lamba’na sia naku’ku’i tu ulunna, nalumbang rokko padang, tukku menomba, anna ma’kada nakua:

YOSUA 7:6

Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.

KADA OMBO’ LAKO RASULU’ YOHANES 18:19

Nasamborammi tau iato mai tu barra’-barra’ langngan ulunna sia melallak anna tumangi’ sia umbating nakua: A’a, a’a tondok kapua, nanii to unnampui kappala’ lan tasik, napasugi’mo mintu’ iananna; sangte’te’ri nanii sanggang!

AYUB 19:14

Iatu sangdadiangku tae’mo natollongina’ sia iatu sitandangku tang nakilalaimo’.

ESTER 4:1

Iatonna issanmi Mordekhai tu mintu’ apa dadi, naserek-serekmi tu pakeanna anna mellullung karung sia au, anna male tama tangnga kota, na sumarro sia unnurruk-urruk tumangi’.

2 SAMUEL 13:36

Ra’pa’ manna tu kadanna, ta’kala saemi tu mintu’ anakna datu, anna sianglean tumangi’; susi duka tu datu sia mintu’ taunna sianglean tumangi’.

1 SAMUEL 30:4

Ma’urrukammi tu Daud sola mintu’ to nasolan unnangle-angle tongan, naurungan tang nabelamo tumangi’.

1 SAMUEL 11:4

Iatonna rampo tu pesua iato lako Gibea-Saul, napokadami tu mintu’ kada iato lako to buda, anna siurrukan tumangi’.

TO PARENGNGE’ 2:4

Iatonna mangkamo tu Malaeka’Na PUANG ma’kada susito lako mintu’ to Israel, randukmi tu bangsa iato unnurruk-urruk tumangi’.

KADADIAN 27:34

Iatonna rangimi Esau tu kadanna ambe’na susito, unnurruk-urrukmi tumangi’, na ma’kada lako ambe’na, nakua: Passakkena’, passakke dukana’, ambe’!

1 SAMUEL 4:12

Lussu’mi misa’ to Benyamin dio mai pa’telangan kasirarian anna rampo lako Silo allo ia dukato, titepu-tepu bangmo tu tamangkalena sia barra’-barra’ daomo ulunna.

EZRA 9:3

Iatongku rangimi te apa iate, kuserekmi tu bayu lanku lu sia bayu lamba’ku, kudu’dukki tu beluak dao mai ulungku sia kudu’dukki tu danggo’ku, angku unno’ko’ tang unnissan apa.