AYUB 19:7 - Sura' Madatu

⁷ Manassa melallakna’, kukua: Dipandasana’! apa tae’ kudipebalii. Metambana’ umpalaku pa’tunduan apa tae’ naola salunna.

AYUB 19:7 Referans Kwoze

BATING 3:8

Moi angku metamba-tamba umpalaku pa’tunduan, Tang Nasaile tu passambayangku.

AYUB 40:8

Buni sola nasangi tu tau iato lan to’ barra’-barra’, pattangi lan to’ kabunianna.

AYUB 34:5

Belanna ma’kada tu Ayub nakua: Iatu aku tonganna’, apa Puang Matua umpadapai tu katonganan dio mai kaleku;

AYUB 30:20

Metambana’ lako Kalemi umpalaku pa’tunduan, apa tae’ Mipebaliina’; bendanna’ dio, apa tae’ Mipalanna’ penaa.

AYUB 21:27

Manassa kutandai tu pa’timbangammi sia iatu pa’tangngarammi minii ussau’ parrangna’,

YEREMIA 20:8

Belanna iake ma’kadaona’ manassa la melallakna’, sia umpeolianona’ kamasa’garan sia pa’pakario-rio, belanna kadanNa PUANG kupobannangi ditatta sia ditelle-telle tu’turan allo.

PA’PUDIAN 22:2

O Kapenombangku, o Kapenombangku, ma’apari Mitampemora’. Ma’apari Mitoyanganra Kalemi dio mai kadilendokangku, sia dio mai sarro budangku?

AYUB 16:21

kumua na Puang umpaolai salu tu ma’rupa tau siea sia urra’ta’ kara-karana tolino, tu siea solana.

AYUB 10:3

Denraka upa’Mi, ke Mipakario-rioi sia Mitibe tu panggaraga limamMi sia Mipaparrangi masiang tu pa’tangngaranna to tang mekaaluk?

AYUB 9:32

Belanna iatu Puang tae’ angku susi, iamoto misa’ tolino, tu ma’din kupebalii, kumua: Tamale sola lako to ma’paolai salu.

AYUB 9:24

Iatu lino disorong tama kuasanna to tang mekaaluk sia Natampun Puang tu lindona to ma’paolai salunna; iake tangia Puang umpogau’i, minda pole’opa?

AYUB 30:24

Tonganna, tae’raka nala umpendondongan limanna tu tau lako to tobang, ke tae’i tu pa’tunduanna lan kamandasanna?

AYUB 30:28

Mario-riona’ lan kalingkangku, tu tang naarrang allo, bendanna’ lan kombongan metamba umpalaku pa’tunduan.

PA’PUDIAN 22:3

O Kapenombangku, iake allona meongli’na’, apa tae’ Mimebali, sia iake mabonginna, tae’ duka angku rapa’.