AYUB 19:5 - Sura' Madatu

⁵ Iake tongannakomi ma’kada layuk lako kaleku, la mipamanassanna’ tu kadisayuangku.

AYUB 19:5 Referans Kwoze

PA’PUDIAN 55:12

Ondongpi tu penggauran umpabu’tu kasanggangan lalo lan, sia iatu pa’pakario-rio sia kalando-pa’duan tae’ anna tampe tananan pasa’na.

PA’PUDIAN 38:16

Belanna Kamumo kutayan, o PUANG; manassa la Mipebaliina’, o PUANG, Kapenombangku.

PA’PUDIAN 35:26

Da’ito anna kasirisan sia maila’ tu mintu’ to umposende kamandasangku, da’ito naputu’i siri’ sia kaburerean, tu to umpamatampo kalena lako kaleku.

YOHANES 9:34

Mebalimi tu tau sia nakua ungkuanni: Iko iko te inang nakapu’ bangmoko kasalan mudadi, na iko lenno la unnada’ikan! Nasualemi tau lako salian.

YOHANES 9:2

Mekutanami tu anak gurunNa lako nakua: O Rabi, mindannara tu umpogau’ kasalan: iaraka te taute ba’tu indo’ ambe’naraka, naurunganni buta tempon dio mai dadinna?

LUKAS 1:25

Susimo Nagauranna’ Puang to, tonna tontongina’ Nasamboanna’ tu siri’ku lako mintu’tau.

ZAKHARIA 12:7

La Narampanan PUANG dolo tu tendana Yehuda, kumua na iatu passattuanna rapunna Daud sia to lan Yerusalem, da napakapuai na Yehuda.

ZEFANYA 2:10

Iate apa iate la urrampoi tau iato mai pakkanna kamatampoanna, belanna ullo’bo sia umpakapua penaanna unnea taunNa PUANGna mintu’ ma’dandan maritik.

MIKHA 7:8

Da muposendei tu a’gangku, e uali baine: moi angku tobang, manassa la bendanna’ sule; moi angku unno’ko’ lan kapittukan, manassa PUANG la dadi arrangku.

YESAYA 4:1

Allo iato pitu baine la ussila’ka’-la’ka’i misa’ muane anna ma’kada nakua: Kandeki siamo kami la kikande, sia pakeangki siamo kami la kipotamangkale, podo ke mukonai dukakan; samboi tu siri’ki!

PA’PUDIAN 41:11

Apa Kamu, o Puang, kamaseina’ dikka’ sia pamillikna’, angku pabala’i tu tau iato mai.

NEHEMIA 1:3

Ma’kadami tu tau iato mai lako kaleku nakua: Iatu mintu’ to torropa, iamotu torronapa dio mai to dipali’, tu lan propinsi iato, lan kamandasan kapua sia kadibelleran, sia iatu rinding tembo’ Yerusalem ro’pokmo, na iatu babanganna pura diballa api.

1 SAMUEL 1:6

Lendu’ duka ia napa’dikkinna sanglentekna, la umpakarede-redei, belanna Napatamanang PUANG.

AYUB 19:4

Manassa tonganra’ka pusa, dioraka kaleku tu kapusan?

PA’PUDIAN 55:13

Belanna tangia uali tu umbelle’na’, iake la iai to, manassa kutemmeran ara’ rumeke-mekeku; sia tangiara to ungkabiri’na’ tu matampo unneana’, iake la iai to, manassa kuissan umpembunianni.