AYUB 18:4 - Sura' Madatu

⁴ Iko kalena, napobua’ kasengkeammu ammu se’bu kalemu, ikoraka anna la dipasisayuran tolino tu kuli’na padang sia dipalele tu buntu batu dio mai inanna?

AYUB 18:4 Referans Kwoze

AYUB 16:9

Kare’dekan ara’Na Puang usse’buse’buna’ sia ullaoina’, Ia umpasisange’ isinNa unta’paina’, iatu Ualingku umpatibulia’ matanNa unneana’.

AYUB 14:18

Susi misa’ buntu tuan tisambo’-sambo’, sia susi misa’ buntu tilampi’ dio mai inanna,

AYUB 13:14

Kuala tu duku’ku kupatamai to’ alla’ isingku sia kupalan limangku tu sunga’ku.

LUKAS 9:39

Nataba deata, nata’pa melalla-lalla, napopa’lisu sarongi, anna pambura pudukna sia kamma-kamma natang umparadanni napandasa tongan.

MARKUS 9:18

Umba-umba nanii unnalai, napessambakanni, anna pambura pudukna sia singgarigi’ isinna, sia matoro kalena. Namangkamo kupokadan anak gurumMi, kumua narambai sun, apa tae’ nabelai.

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

YUNUS 4:9

Ma’kadami Puang Matua lako Yunus Nakua: Sipaturokoka la sengke diona kayu pallan iate? Mebalimi nakua: Sipatuna’ sengke, sakupomatena.

YEHEZKIEL 9:9

Ma’kadami lako kaleku Nakua: Iatu kakadakeanna to Israel sia to Yehuda tarru’ makambanmo, naurunganni iatu tondok iato naponnoi indan to’doan rara sia iatu kota naponnoi penggauran umbulang leko’ salunna belanna nakua tau iato mai lan penaanna: Natampemo PUANG tu tondok iate sia tae’mo Nasailei PUANG.

YESAYA 54:10

Belanna moi nala tiberu tu mai buntu sia tigega’ tu mai tanete, apa iatu kamasokanangKu tae’ nala tiberu dio mai kalemu sia iatu basse kamarampasangKu tae’ anna la tigega’, kadanNa To maturu-turummu, iamotu PUANG.

AYUB 40:8

Buni sola nasangi tu tau iato lan to’ barra’-barra’, pattangi lan to’ kabunianna.

AYUB 5:2

Tonganna iatu kamapa’diran penaa umpamate to baga sia kapangimburuan umpamatei tu to tang paissan.

AYUB 18:3

Ma’apai angki disanga susito patuoan sia susito tang paissan dio pentiromu?

AYUB 18:5

Apa moi susito iatu arrang to tang mekaaluk la dipa’dei sia iatu dukku apinna tae’ nala tontong parrang.