AYUB 18:21 - Sura' Madatu

²¹ Manassa susimoto tu katorroanna to kadake, sia susimoto tu pa’tondokanna to tang umbilang Puang Matua.

AYUB 18:21 Referans Kwoze

YEREMIA 9:3

Ma’neko-neko tu lilana susi pana digi’tingan ponno buttok sia tae’ namalambu’ ma’parenta lan lu tondok sia tae’ upu’na umpasisonda kakadakean napogau’, sia tae’ natandaiNa’ tu tau iato mai, kadanNa PUANG.

TITUS 1:16

Tau iato ussanga kalena untandai Puang Matua, apa penggauranna tang ussangai, belanna pagi’giran, sia pabali-bali sia tae’ bang patunna lako mintu’ penggauran melo.

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

1 TESALONIKA 4:5

tang unturu’ kamoraian pa’kalean, susi gau’na to kapere’ tu tang untandai Puang Matua;

YEREMIA 10:25

Barrakanni tu kare’dekamMi lako mintu’ bangsa, tu tae’ natandaiKomi, sia lako mintu’ pa’rapuan tu tang metamba ussa’bu’ sangamMi; belanna naampello’mo tau iato mai tu Yakub, ondongpi naampello’ sia nasappii sia napopempadang lo’bang tu tondok natorroi.

TO PARENGNGE’ 2:10

Iatonna tama nasangmo batu dilobang sola nene’ to dolona tu to sangosso’ iato, ombo’mi tu to sangosso’ senga’, tu tang untandai PUANG sia tang untandai penggauran, tu mangka Napogauran to Israel.

ROMA 1:28

Tu belanna manoka untandai Puang Matua lan pangingaranna Napopa’elo’nami Puang Matua lako pa’pasirundunan megi’giran anna umpogau’ tang sipato’na;

PA’PUDIAN 79:6

Patu’ba’i kasengkeamMi lako to tang untandaiKomi, sia lako mintu’ lili’ parenta tang metamba ussa’bu’ sangamMi.

AYUB 21:28

ammi ma’kada kumua: Umbamira tu banuanna to paa iato? Sia umbamira tu tenda natorroi to tang mekaaluk?

AYUB 21:14

Apa ma’kada lako Puang Matua nakua: ToyangKomi dio mai kaleki, belanna tang kiporai untandai tu lalanMi.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

1 SAMUEL 2:12

Iatu mai anakna muane Eli sala’ kedo, tae’ nadampangi tu PUANG sia iatu katongananna sia taana to minaa, ke to buda sae memala’.

KATASSURAN 5:2

Apa mebali tu Firaun nakua: Mindara tu PUANG, tu sipatu la kuturu’ kadanNa sia unneloranni tu to Israel male? Tae’ kutandai tu PUANG iato sia tang kueloran tu to Israel male.

AYUB 4:21

Tang dilendokanraka tu ulang tendana? Mate tu tau iato mai, natae’ kakinaanna.

AYUB 19:1

Apa mebali tu Ayub nakua:

AYUB 20:29

Iamoto tu taana to tang mekaaluk lu dio mai Puang Matua, sia iatu taa mana’na Napamanassanni Puang Matua.