AYUB 18:16 - Sura' Madatu

¹⁶ La marangkemo diong mai tu uaka’na sia malayumo dao mai tu takke’-takke’na.

AYUB 18:16 Referans Kwoze

HOSEA 9:16

Iatu Efraim dipandasamo sia marangkemo tu daka’na; tae’mo anna la membua. Ianna la kianakpa, manassa la Kupatei tu sun dikalena tu napakaboro’.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

AMOS 2:9

Moi mangkamo Kusabu’i tu to Amori dio tingayona, moi anna pada lando kayu arasi’ sia pada buku kayu jati, ondongpi Kusabu’i tu buanna dao mai sia uaka’na diong mai.

YESAYA 5:24

Iamoto, susitu api mendelok unnimbakan dalame sia susi ria ditombon napopennau api, susi dukamoto tu aka’na tau iato mai la buruk sia iatu ta’binna la sisarombonan susi barra’-barra’, belanna naboko’imo tu Sukaran alukNa PUANGna mintu’ ma’dandan maritik sia nabelle’i tu kadanNa To maserona to Israel.

AYUB 15:30

Tae’ natilendok dio mai kamalillinan, sia iatu dukku api ungkande mampu’i tu tarukna sia napa’dei penaa sun dipudukNa Puang.

AYUB 29:19

Iatu uaka’ku ullambi’ uai sia ma’bongi tu ambun dio tangkeku.

AYUB 15:32

Tae’pa nalambi’ tu attunna, anna upu’mo tu allona, sia tae’mo namamata tu mai palapa koromana.

YESAYA 14:20

Tae’ duka ammu dipasipeliang tau iato mai, belanna musanggang nasangmo tu tondokmu sia mupatei nasangmo tu to budammu, iatu bati’na to umpogau’ kakadakean tae’ anna la disa’bu’ len tontong sae lakona.

AYUB 8:17

Na iatu uaka’na siperroroan dio to’ batu, sia sikallikan lan lu alla’ to’ batu.