7 Apa totemo Naalaimo’ Puang tu mintu’ kamatotorangku; Mipatisambo’mo male mintu’ sangdadiangku,
Susi dukato tu aku dipaketaa kamaparisan pirang-pirang bulan, sia dipapatuanna’ kamandasan pirang-pirang bongi.
Apa la Kupa’di’iko, la Kubamba sia la ma’kasanggangNa’ natumang kasalammu.
Nakamaseina’ Puangta PUANG kamalutean ma’kada, kumua angku issanni umpakatanai tu to bo’yo’: Napamillikna’ ke melambi’i, sia Napatanan tu talingangku, angku ma’perangi susito mai pia ma’guru.
Iatu penaangku mosomo tuo, kulendokan bang tu sarroku, sia ma’kadana’ lan kamapairan penaangku.
Namosomo’, tae’mo kula tontong tuo. Rampanammo’, belanna iatu alloku sangpenaanri.
Dio tu nanii to tang mekaaluk untorroi kamarukkan, inde to nanii melayo tu to tang mabukumo.
Moi natelle-tellena’ tu mai sangmaneku, apa iatu matangku ma’palulako bang Puang Matua;
Iatu siulu’ku Napatoyang dio mai kaleku, sia iatu a’ganna sitandangku susi to mambela lako kaleku.
Tang tae’ raka pissan duka tu kaditunduiangku sia tang sumpuraka tu lalan kadirampanangku?