AYUB 15:4 - Sura' Madatu

⁴ Den dukapa iamotu mulullu’ tu kapengkaolan lako Puang Matua sia umpasosso’ko pa’pakaraya dio oloNa Puang Matua.

AYUB 15:4 Referans Kwoze

ROMA 3:31

Iake susito, umpadamparakannika Sukaran aluk belanna kapatonganan? Inang tae’ ia to; sangadinna untonganangkan Sukaran aluk.

GALATIA 2:21

Tae’ angku tumpui tu pa’kamaseanNa Puang Matua, belanna iake tete dio Sukaran aluk anna den tu kamaloloan, tae’ patunna tu Kristus mate.

LUKAS 18:1

Napokadan pole’omi Yesu misa’ pa’pasusian lako tinde tau la umpamalesoi, kumua, sipatu tau la massambayang nenne’, da narayang.

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

AMOS 6:10

Iake naangka’i pa’amberanna, ba’tu iatu to untunui, la umpatassu’i tu bukunna lan mai banua iato, la ma’kada lako tu to dio boko’ banua lanna lu, kumua: Denparaka tau iti’ misolan? Mebalimi nakua: Tae’mo! Ma’kadami nakua: Kappakomi! Belanna tae’ tasipatu ussa’bu’ sanganNa PUANG diona te.

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

PA’PUDIAN 119:126

Nalambi’mo tu tanda allu’na, sipatu Nanii PUANG ma’pogau’, belanna nalendaimo tau iato mai tu sukaran alukMi.

AYUB 27:10

Ma’dinraka umpoparannu To umpoissan angge maritik, sia metamba la massambayang langngan Puang Matua, lan mintu’ attu?

AYUB 6:14

Minda-minda umpadapa kamamasean dio mai sangmanena, iamo tang umpalan penaa ungkasiri’ To umpoissan angga maritik.

AYUB 5:8

Apa iake aku, la umpekutananna’ Puang Matua, sia lako Puang Matua la kunii umpennoloanni tu a’gangku.

AYUB 15:3

Nata’tanraka tau umpokada kada tae’ gai’na, sia ulelean tang ma’run- dunan?

AYUB 15:5

Belanna iatu kakelokammu unnada’iko ma’kada susito, ammu pilei tu kada to ma’pakena.