AYUB 15:13 - Sura' Madatu

¹³ ammu barani umbali-bali Puang Matua sia umpatassu’ kada susito dio randan pudukmu?

AYUB 15:13 Referans Kwoze

YAKOBUS 1:26

Iake denni misa’ tau ussanga kalena mengkaola lako Puang Matua, apa tae’ nabelai untorei tu puduk makattikna, sangadinna umpakena penaanna, manassa kapengkaolanna tau iato lao sala.

MALEAKHI 3:13

Ma’kada layuk bangkomi tu diona Aku, kadanNa PUANG. Apa ma’kadakomi mikua: Apara kisipa’kada-kadai tu diona Kalemi?

PA’PUDIAN 34:13

Mindara morai tuo, sia ungkaduangi kamalamberan sunga’ anna tiroi tu maelona?

AYUB 12:6

Marampa’ tu tendana to ma’pakario-rio sia manaman tu to umpare’dek ara’Na Puang Matua, mintu’ tu to morai ungkuasai Puang Matua.

AYUB 10:3

Denraka upa’Mi, ke Mipakario-rioi sia Mitibe tu panggaraga limamMi sia Mipaparrangi masiang tu pa’tangngaranna to tang mekaaluk?

AYUB 9:4

Mindara tu ma’din umbalii Puang, moi anna matumba tu kamatarrusanna sia matumba tu kakapuanna kamatotoranna, anna torro marampa’?

AYUB 15:12

Ma’apai nataloiko penaa mapallamu, sia ma’apai nadukku-dukku tu matammu,

AYUB 15:14

Umbara nakua tu tolino, anna masero, sia anna malolo tu mai to nadadian misa’ baine?

KADADIAN 4:5

Apa iatu Kain sia penombana tae’ anNa alai penaanNa PUANG. Lendu’mi sengkena tu Kain sia suruk bang.

2 DATU 6:33

Marassan bangsia sipa’kada-kada tau iato mai, ta’kala saemi tu pesua lako kalena. Nakuami tu datu: Manassa mandu tongan tu kamandasan naparampoangki’ PUANG! Apara gai’ku urrannuampa PUANG?

SARAMBU PEADA’ 19:3

Iatu kabaganna kalena tau ussanggang lalanna, moi susito, ma’paropo’ duka lako PUANG.

BATING 3:39

Ma’apai nasumarro tu tolino lan katuoanna? Melo ke pantan sumarroi diona kasalanna.

YEHEZKIEL 18:25

Apa mikua: Tae’ namalambu’ tu lalanNa Puang. Perangii, e to Israel, tae’raka namalambu’ tu lalanKu? Ondong pissan ia tu lalanmi tang malambu’.