AYUB 14:4 - Sura' Madatu

⁴ Denraka misa’ to masero tassu’ dio mai to tang masero – moi misa tae’.

AYUB 14:4 Referans Kwoze

YOHANES 3:6

Iatu nadadianna kale, kale bangsiami; iatu nadadianNa Penaa, Penaa bangsiami.

AYUB 15:14

Umbara nakua tu tolino, anna masero, sia anna malolo tu mai to nadadian misa’ baine?

EFESUS 2:3

Lan bilanganna tu tau iato mai, kita duka sola nasang te, dolona mangkamoki’ unturu’ kamailuanna pa’kaleanta, anta pogau’i tu pa’poraian pa’kalean sia lalan inaanta sia tenmoki’ a’gan pia naonganni kasengkean susito senga’.

PA’PUDIAN 51:5

Belanna kutandai tu salaku, sia iatu kasalangku tontong bang dio lindoku.

ROMA 5:12

Iamoto tumbai tu kasalan mangkamo tama te lino, belanna misa’ tau, sia kamatean belanna kasalan, sia susi duka tu rampona kamatean lako mintu’ tolino, iamoto anna kasalan nasang mintu’ tolino –,

LUKAS 1:35

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

PA’PUDIAN 90:5

Mipatallan tu tau iato mai; sia butung to mamma’ sule ke melambi’, sia ten to riu lobo’ tuona.

KADADIAN 5:3

Iatu Adam saratu’ tallungpulomo taunna, anna dadianni tu misa’ pia muane, susi bang a’ganna sia umpalin rupanna Adam, anna sangai Set.

SARAMBU PEADA’ 20:9

Mindara ma’din ma’kada, kumua: Mangkamo kukampai tu penaangku anna masero, sia maseromo’ dio mai kasalan?

PA’PUDIAN 51:7

Pada ditibussanammo’ kakadakean, sia pada natambukna’ kasalan mendadiangku.