AYUB 14:10 - Sura' Madatu

¹⁰ Apa iake misa’ muane mate, manassa sumpandan sia tang pandiu-diumo; sia iake ka’tumi sunga’na tu tolino, umbara nanii torro?

AYUB 14:10 Referans Kwoze

AYUB 19:26

Na iake lollo’mi tu kuli’ku, lan mai pa’kaleangku la kutiro tu Puang Matua;

AYUB 14:12

susi dukamo kasumpandananna tolino to sia tae’mo namillik sule; sae lako kapa’deanna pole’ tu langi’, tae’mo namalimbangun sia tae’mo napandiu dio mai kamammaranna.

KADADIAN 49:33

Iatonna mangkamo tu Yakub umpakare’nai tu mai anakna, nabenan duami tu lentekna sule langngan inan mamma’na nasisarak angin dipudukna anna dipatama batu dilobang dipasola rapunna.

PENGGAURANNA RASULU’ 5:10

Songka bangsiami diong to’ lentekna Petrus, nata’pa ka’tu penaanna. Tamami tu mai to mangura, nakabu’tui matemo tinde baine; nabullemi lako salian nalamunni dio to’ sa’dena muanena.

MATIUS 27:50

Metamba pole’omi tu Yesu umpemandui gamaranNa, namane ussorong PenaanNa.

SARAMBU PEADA’ 14:32

Iatu to tang mekaaluk disongkan lan kamandasanna, apa iatu to malambu’ moi nala ka’tu sunga’na den duka pentilindunganna.

AYUB 11:20

Apa kamailuanna to tang mekaaluk umpamalayu matanna, iatu mintu’ lalan pentilindunganna ka’tumo, iatu apa napeagi, ia mannamo tu ka’tuan sunga’.

AYUB 10:18

Apa ma’apai amMi patibussanna’ lan mai pa’tambukanna indo’ku, anna tae’ naka’tu sunga’ku, tonna tae’pa misa’ mata untirona’.

AYUB 3:11

Ma’apai natae’ kumate tongku dadi, anna tae’ naka’tu tu sunga’ku tonna tibussananna’ indo’ku?

1 OSSORANNA DATU 29:15

Belanna kami te to sae sia to mentiruran dio oloMi, susi mintu’ nene’ to doloki; iatu allo katuoangki susi bayo-bayo dao kuli’na padang, tae’ nadiranuan.

AYUB 3:13

Ianna susito la mamma’na sia ma’pakari’pina’, sia la matindona’, angku rapa’

AYUB 13:9

La meloraka, ke Puang umparessakomi; ma’dinraka mipakena tu Puang, susitu ma’rupa tau dipakena?

AYUB 14:9

manassa mentaruk sule, ke unnambukki uai, anna mentangke susito tananan mane tuo.

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

AYUB 20:7

la pa’de sae lakona susito tainna; minda tu untiroi la ma’kada nakua: Umbamira?

TOMANGADA’ 3:20

Iatu mintu’nato misa’ri inan nakarampoi, sia mintu’nato lu dio nasangi mai litak sia la sule pole’ lako litak.

TOMANGADA’ 3:21

Mindara untiroi tu penaanna ma’rupa tau kendek langngan anna iatu penaanna olo’-olo’ ma’palurokko mangapi’na tana?