AYUB 12:6 - Sura' Madatu

⁶ Marampa’ tu tendana to ma’pakario-rio sia manaman tu to umpare’dek ara’Na Puang Matua, mintu’ tu to morai ungkuasai Puang Matua.

AYUB 12:6 Referans Kwoze

AYUB 9:24

Iatu lino disorong tama kuasanna to tang mekaaluk sia Natampun Puang tu lindona to ma’paolai salunna; iake tangia Puang umpogau’i, minda pole’opa?

YEREMIA 5:27

Susi toban ponno manuk-manuk, susi dukamoto tu banuanna ponno pa’pakena, iamoto napobannangi mala’bi’ sia sugi’;

PA’PUDIAN 37:35

Kutiromo tu misa’ to tang mekaaluk masa’ga’, umparumaka kalena susi balintoto loboran.

PA’PUDIAN 37:1

Pa’pudianna Daud. Da mukaredei tu to umpogau’ kakadakean, sia da mukemburui tu to umpogau’ kelok.

PA’PUDIAN 17:14

Na limamMi urrampananna’ dio mai tau iato mai, o PUANG, iamotu to umbudanan lino, tu katuoan ia manna te napotaa, amMi patamai apa pura Miparandananni tu tambukna, sia napodia’ dukai anakna, sia iatu sesanna la natampean bati’na.

AYUB 22:18

Sia inang Puang tu umponnoi kaseboan tu banuanna. Apa iatu pa’timbanganna to tang mekaaluk toyang dio mai kaleku.

AYUB 12:5

Taana to mandasa iamotu kadisayuan – susimoto tu pa’tangngaranna to maupa’; iamoto tu taana to tipa’re’ba.

AYUB 12:7

Apa mekutanako lako mintu’ olo’-olo’, anna ada’iko; sia lako manuk-manuk dao langi’, anna pamanassangko.

AYUB 24:23

Puang ungkarimmanni kamarampasan tu tau iato, anna posanderanni sia matanNa Puang ummanta-mantai tu lalanna.

PA’PUDIAN 92:7

Iatu to baga pu’pu’ tang natamai tu iannato, sia iatu to tang paissan tang naka’da’ tu susinnato.

YEREMIA 12:1

TonganKomi Kamu o PUANG, ke la sikara-karaki’; apa moi susito, moraina’ la sipa’kada Puang diona tu mai apa malambu’, kumua: Ma’apai anna maupa’ tu lalan to tang mekaaluk, sia manaman bang ia tu mintu’ to ma’kedo tang maruru’?

AYUB 15:13

ammu barani umbali-bali Puang Matua sia umpatassu’ kada susito dio randan pudukmu?

PA’PUDIAN 73:3

Belanna ungkemburuna’ to matampo, tongku tiroi tu upa’na to tang mekaaluk.

YEREMIA 5:28

malompo tu tau iato mai sia malannu’; tarru’ maparrang tu kakadakeanna. Tae’ namalambu’ ma’paolai salu la urra’ta’ kara-karana pia biung, apa moi susito maupa’ duka; sia tang untonganan kara-karana to bongko.

HABAKUK 1:11

Tarru’ bang susi angin sia male tarru’; susimoto tu naposala, belanna kamatotoranna tu napodeata.