AYUB 12:23 - Sura' Madatu

²³ Napatarompo’ tu mai bangsa, anNa sanggangi tu tau iato, Napamalona’ lili’na tu mai bangsa sia Napali’ tu tau iato.

AYUB 12:23 Referans Kwoze

YESAYA 26:15

Mipopemba’ka’mo, o PUANG, tu bangsa iate, Mipopemba’ka’mo, sia Mipamala’bi’mo tu Kalemi, mintu’ lili’ padangna Mipakalua’mo.

YESAYA 9:3

Belanna iatu ayoka napassan sia lemba dao palempengna sia ta’ba perambana Mirebongmo susi tonna allo (kaditaloanna) to Midian.

YESAYA 60:22

Iatu bittikna la memba’ka’, naurunganni mendadi misa’ pa’rapuan sia iatu madiongna la mendadi misa’ bangsa kapua; Akumo, tu PUANG la umpogau’i madomi’, ke attunnami.

PA’PUDIAN 107:38

Napamasakkei tu tau iato mai, naurunganni memba’ka’ kalle-kallean, sia mintu’ patuoanna tae’ anNa pakati’pekanni.

ZAKHARIA 10:8

La Kuongli’ tu tau iato mai sia la Kupasirampun, belanna la Kurampanan tu tau iato mai, sia la memba’ka’ susi dolona.

YEREMIA 33:22

Susitu mintu’ ma’dandan maritik dao langi’ tang dikemba’ bilanganna sia karangan dio biring tasik tang tisuka’, susi dukamoto la Kupopemba’ka’ tu bati’na Daud, taungKu, sia mintu’ to Lewi, tu mengkaola lako Kaleku.

YEREMIA 30:19

Lanmo mai la nanii tassu’ pa’pudi-pudian sia gamara to ma’marua’rua’, belanna la Kupopemba’ka’ tu tau iato mai anna tae’ nala sosso’ bilanganna, sia la Kupakala’bi’ anna tae’ nadie’sek.

YESAYA 51:2

Tiroi tu Abraham, ambe’mi sia Sara to undadiangkomi, belanna Kutambai tonna mane kale-kalena sia Kupamasakke sia Kupopemba’ka’ kalle-kallean.

YESAYA 27:6

Iake attu undinna la mennuaka’ tu Yakub, sia la menta’bi na mentado’ tu Israel, naurunganni situtu’ burana tu lino.

KATASSURAN 1:20

Iamoto Napogau’i Puang Matua tu kameloan lako to ma’pakianak iato; sakerangngan-rangngannami tu bangsa iato sia memba’ka’ kalle-kallean.

KATASSURAN 1:7

marapuammi tu to Israel sia satumale’-male’na sia memba’ka’ kalle-kallean sia sakerangngan-rangnganna, naurunganni nasitutu’imo tu tondok.

PENGGAURANNA RASULU’ 17:26

Misa’ri Nanii umpabu’tui tu mintu’na bangsana tolino, la untorroi tu mintu’ kuli’na padang, tonna mangka ullampakki tu mintu’ attu tituka’na lino sia katonan pellaoanna,

PA’PUDIAN 107:39

Apa undinna diurakki tu tau iato mai sia nabokkok kamaparrisan sia sara’ inaa.