AYUB 12:16 - Sura' Madatu

¹⁶ Dio Puang nanii tu kamatotoran sia patiro penaa, Ia umpoissan to dipapusa sia to ma’papusa.

AYUB 12:16 Referans Kwoze

YEHEZKIEL 14:9

Iake denni misa’ nabi dipetobagai la umpokada kada, Kupetobagai tu nabi iato sia la Kue’te tu limangku la unneai sia la Kuurakki lan mai tangngana taungKu, Israel.

AYUB 13:9

La meloraka, ke Puang umparessakomi; ma’dinraka mipakena tu Puang, susitu ma’rupa tau dipakena?

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

AYUB 13:7

La mitongananraka tu Puang Matua, ke ma’kada tang tongankomi sia mitongananraka tu Puang, ke ma’kada buttokkomi?

AYUB 12:13

Dio Puang nanii tu kakinaan sia kamawatangan, Puang unnampui pa’tangngaran sia patiro melo.

DANIEL 2:20

Umpakendekmi pa’pudi-pudian tu Daniel, nama’kada nakua: Mintu’ kadipudian lu lako sanganNa Puang Matua tempon dio mai landa’ lako attu situran, belanna Ia unnampui kakinaan sia kamatotoran.

AYUB 32:8

Manassa kumua iatu penaa lan ba’tengna ma’rupa tau sia penaanna To umpoissan angge maritik, tu umbenni kapaissanan lako tau iato mai.

SARAMBU PEADA’ 2:6

Belanna PUANG Ia tu umpa’kamasean kakinaan, lan mai pudukNa nanii tassu’ tu kapaissanan sia tangnga’ kinaa.

YESAYA 31:2

Apa Ia duka tu Puang sundun kinaa, Iamo la umpasaei tu kasanggangan undinna sia tae’ Napere len; sangadinna la bendan unnea mintu’ to lan banuanna to umpogau’ kakadakean, sia unnea pa’tunduanna to umpogau’ kakelokan.