AYUB 12:13 - Sura' Madatu

¹³ Dio Puang nanii tu kakinaan sia kamawatangan, Puang unnampui pa’tangngaran sia patiro melo.

AYUB 12:13 Referans Kwoze

AYUB 36:5

Manassa pasareongan tu Puang Matua, apa moi misa’ apa tae’ tang Naangga’, kapua tongan tu kamandalananna tangnga’ kakinaanNa.

AYUB 9:4

Mindara tu ma’din umbalii Puang, moi anna matumba tu kamatarrusanna sia matumba tu kakapuanna kamatotoranna, anna torro marampa’?

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

EFESUS 1:11

Lan dukamo Kalena tanii dipadadi mana’, dilampak unturu’ tanan penaanNa Puang Matua, tu umpakedo mintu’na, situru’ lalan pa’inaanNa.

SARAMBU PEADA’ 8:14

Kuampui tu pa’pakilala melo sia pa’timbangan, akumo tu pakita penaa; kuampui tu kamatotoran.

KOLOSE 2:3

Indemoto nanii karerungan tu mintu’ kakinaan sia kapaissanan butung ianan ballo, mentirerung.

DANIEL 2:20

Umpakendekmi pa’pudi-pudian tu Daniel, nama’kada nakua: Mintu’ kadipudian lu lako sanganNa Puang Matua tempon dio mai landa’ lako attu situran, belanna Ia unnampui kakinaan sia kamatotoran.

PA’PUDIAN 147:5

Pasareoangan tu Puangta sia sumpu kuasa, tang dilambi’ tu tangnga’ kinaanNa.

AYUB 11:6

sia umpaissanniko rasia kakinaan, belanna umpopanglokkon penduan kapaissanan. Mumane mangaku kumua iatu Puang Matua tae’mo Nakilalai tu sangtaan kakelokammu, tu la mupomatananna.

EFESUS 1:8

tu Napelempanni lako kaleta situru’ kakinaan sia kamatarrusan.

1 KORINTUS 1:24

apa lako to ditambai, la to Yahudi la to Yunani, iatu Kristus, iamo kuasanNa Puang Matua sia kakinaanNa Puang Matua.

ROMA 11:34

Apa mindara ia unnissanni tu lalan penaanNa Puang? ba’tu mindara tu to ma’pakilalanNa?

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

YEREMIA 10:12

Iamo Puang tu mangka umpadadi lino tete dio kamatotoranNa sia tu umpatepu lipu daenan tete dio kakinaanNa sia umballa’ langi’ tete dio tangnga’ kinaanNa.

YESAYA 46:10

Tu umpokadai randuk tipamulanna sae lako ma’katampakanna tu apa la dadi sia tempon dio mai tu apa tae’pa; tu ma’kada nakua: La dadi tu panglampakKu sia la Kupogau’ tu mintu’ pa’poraiangKu;

AYUB 38:36

Mindara umpatorroi kakinaan tu salebu’ malillin, ba’tu mindaraka umbenni patiro penaa tu ma’rupa-rupa ma’lodokna salebu’?

AYUB 12:16

Dio Puang nanii tu kamatotoran sia patiro penaa, Ia umpoissan to dipapusa sia to ma’papusa.

AYUB 26:12

Naparapa’ tu tasik tete dio kamatotoranNa, sia Napessambakan tu Rahab tete dio kamanaranganNa.

YESAYA 31:2

Apa Ia duka tu Puang sundun kinaa, Iamo la umpasaei tu kasanggangan undinna sia tae’ Napere len; sangadinna la bendan unnea mintu’ to lan banuanna to umpogau’ kakadakean, sia unnea pa’tunduanna to umpogau’ kakelokan.