AYUB 11:8 - Sura' Madatu

⁸ Iatu iannato malangka’ ten to langi’; apara tu ma’din mupogau’? Mandalan na lino tomate; apara tu ma’din mutandai?

AYUB 11:8 Referans Kwoze

AYUB 22:12

Tang unnisungiraka matandena langi’ tu Puang Matua? Tiroi, sangapa malangka’na langngan tu bintoen!

AMOS 9:2

Moi anna kali tau iato mai sae rokko lino to mate, la naala duka limangKu inde to diong mai; moi kendek langngan langi’, la Kupopengkalao duka inde to dao mai.

YESAYA 55:9

Belanna susi sikalangka’na langi’ anna lino, susi dukamoto tu sikalangka’na lalanKu anna lalanmi sia iatu tanga’Ku anna tanga’mi.

PA’PUDIAN 148:13

La napudi massola nasang tu sanganNa PUANG, belanna sanganNa mannari ia tu patongloan liu, sia kamala’biranNa ussamboi lino na langi’.

AYUB 35:5

Mentingarakomi langngan langi’ sia tiroi, penunukomi salebu’ langngan daomi lu;

AYUB 26:6

Iatu lino tomate tibungka’ lako Puang sia iatu bambana mukkun tae’ sambona.

PA’PUDIAN 103:11

Belanna susi sikalangka’na langi’ anna lino, susi dukamoto tu kapuana kamasokananNa lako mintu’ to ungkataku’I

2 OSSORANNA DATU 6:18

Tongannaraka tu Puang Matua la torro sola to lino dao kuli’na padang? Iatu langi’, moi iatu langi’ ma’iringanna dao, tae’ nakullei ulluangKomi, tang dipokada pissan te banua mangka kubangun.

AYUB 7:9

Susito gaun pa’demo sia sumayo-mayo male kabu’, susi duka tu minda-minda mengkalao rokko lino tomate, tae’mo nakendek sule.

AYUB 11:9

Iatu suka’na malambe’ anna kuli’na padang, sia iatu kalua’na losong na tasik kalua’.

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

AYUB 38:17

Dipasombomoraka lako kalemu tu babangan lino tomate, sia mutiromoraka tu babangan lino lillinan parrak?

PA’PUDIAN 36:6

O PUANG iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

SARAMBU PEADA’ 30:4

Mindara tu kendek langan langi’ sia songlo’ sule dao mai, mindara urrampun angin diong pa’ka’panna? Mindara umbungku’ uai diong tamang-kalena, mindara umpamanassai tu mintu’ randan langi’? Mindara tu sanganna sia mindara sanganna tu anakna muane? Manassa mutandai.