AYUB 11:7 - Sura' Madatu

⁷ Ma’dinraka mutarru’ tu rasianNa Puang Matua, sia ussuka’ To umpoissan angge maritik sae lako ma’katampakanna?

AYUB 11:7 Referans Kwoze

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

TOMANGADA’ 3:11

Mangkamo Napadadi melo tu mintu’na lan attunna sia Napatama duka lan penaanna tolino tu pa’tangngaran diona apa situran-turan tempon dio mai, apa moi misa’ tae’ natandai tolino tu diona pengkarangan Nakarang Puang Matua dio mai pamulanna sae lako ma’katampakanna.

PA’PUDIAN 145:3

Iatu PUANG pasareongan, sipatu tongan dipudi, iatu kapasareongananNa tang dilambi’ diukkunni.

EFESUS 3:8

Anna aku te, tu madionganna na iatu mintu’ to masallo’, diserongi te pa’kamasean iate, la umpa’peissananni lako to kapere’ tu kasugiran tang dilambi’Na Kristus,

YESAYA 40:28

Tae’raka ammu issanni, tae’paraka ammu rangii, kumua iatu PUANG, Iamo Kapenomban matontongan, To kumombongna mintu’ randan langi’. Tang mekaboyo’ sia tang mekata’ka’, tang dilambi’ tu kamanaranganNa.

PA’PUDIAN 77:19

Iatu oni guntu’Mi menanan, sia iatu kila’ unnarrang lino, na iatu lino rumonting sia tiseno.

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

AYUB 5:9

Umpogau’mo penggauran kapua, tu tang dilambi’na, sia apa memangngan tu tang dikemba’ diia’.

1 KORINTUS 2:16

Belanna mindara tu unnissan lalan penaanNa Puang, naurunganni umpatudu Puang? Apa iatu kita te unnampuiki’ lalan penaanNa Kristus.

1 KORINTUS 2:10

Apa iatu kita Napasombomo Puang Matua lako kaleta tete dio PenaanNa, belanna Iamotu Penaa tu umpelalan mintu’na angge maritik, moi anna apa mandalanNa Puang Matua.

MATIUS 11:27

Mintu’na angge maritik mangkamo Nasorong Ambe’Ku lako Kaleku na moi misa’ tau tae’ untandai tu Anak, sangadinna Ambe’ manna, sia moi misa’ tau tae’ untandai tu Ambe’, sangadinna Anak manna sia iatu to la morai Napasomboan Anak.

AYUB 26:14

Manassa iatu iannato tampakna manna tu lalanNa, sia ia manna tu kada pa’bisikNa tarangi dio mai Puang. Mindara ma’din unnattai tu gumalugunna kamatotoranNa?

AYUB 22:12

Tang unnisungiraka matandena langi’ tu Puang Matua? Tiroi, sangapa malangka’na langngan tu bintoen!

AYUB 33:12

Manassa tae’ mitongan tu dionato, susimo pebalingku to lako kalemi, belanna iatu Puang Matua mandu mala’bi’ namisa’ tolino.

AYUB 33:13

Ma’apai ammi sigaga Puang Matua, anna moi misa’ penggauranNa tae’ Nasondai.

AYUB 36:26

Manassa iatu Puang Matua pasareongan, sia tang nalambi’ paissanta, tang dikemba’ diia’ tu taun umuru’Na.

AYUB 37:5

Napagumaluntu’ kalle-kallean Puang Matua tu gamaranNa; Napogau’ tu penggauran tarompo’, sia tang talambi’;

TOMANGADA’ 7:24

Mintu’ apa den tang dilambi’ dirundunan, sia tang dilambi’ disandak, mindara ma’din untarru’i?

AYUB 27:11

La Kuada’ikomi pa’patudu limanNa Puang Matua, sia iatu apa lan penaanNa To umpoissan angge maritik tae’ angku la umbunii.

AYUB 35:5

Mentingarakomi langngan langi’ sia tiroi, penunukomi salebu’ langngan daomi lu;

AYUB 42:3

Mindara ia, tu tang ma’tangnga’ melo ullullungi tu pangra’ta’ tanan penaanNa Puang? Iamoto angku mangaku, kumua tang paissanna’ ussa’bu’i tu mai apa ummangngaina’ sia tang kupebuyu’.

PA’PUDIAN 139:6

Iatu kapaissanan iato lendu’ namangngaingku, sia lendu’ mandalanna, tang kulambi’.

SARAMBU PEADA’ 30:4

Mindara tu kendek langan langi’ sia songlo’ sule dao mai, mindara urrampun angin diong pa’ka’panna? Mindara umbungku’ uai diong tamang-kalena, mindara umpamanassai tu mintu’ randan langi’? Mindara tu sanganna sia mindara sanganna tu anakna muane? Manassa mutandai.