AYUB 10:18 - Sura' Madatu

¹⁸ Apa ma’apai amMi patibussanna’ lan mai pa’tambukanna indo’ku, anna tae’ naka’tu sunga’ku, tonna tae’pa misa’ mata untirona’.

AYUB 10:18 Referans Kwoze

MATIUS 26:24

Inang la maleNa tu Anak rampan dilino, belanna mangkamo disura’ tu iannato; apa upu’ allona tu tau iato, tu umpa’peturoan Anak rampan dilino! La’bi’pissan ia kenna tae’ nadidadian tu tau iato.

YEREMIA 15:10

Upu’ alloku, o indo’ku, belanna midadiammo’, misa’ to te’geran, misa’ to passipakkan lako mintu’ pa’tondokan; tae’ kuma’peindan sia tae’ kukaindanan, apa pa’gantanna manna tau lako kaleku.

AYUB 14:10

Apa iake misa’ muane mate, manassa sumpandan sia tang pandiu-diumo; sia iake ka’tumi sunga’na tu tolino, umbara nanii torro?

AYUB 11:20

Apa kamailuanna to tang mekaaluk umpamalayu matanna, iatu mintu’ lalan pentilindunganna ka’tumo, iatu apa napeagi, ia mannamo tu ka’tuan sunga’.

AYUB 10:19

Iake susito susina’ to tae’pa kudadi; tongku tassu’ dio mai pa’tambukanna indo’ku, angku ta’pa male dilamun.

AYUB 23:17

belanna tae’ angku sabu’ natumang kapittukan, sia belanna nasamboi kamalillinan tu lindoku.

PA’PUDIAN 71:6

Mati’ri Kalemi kunii sande’ tempon ditibussanangku, sia Kamuri tu umpatibongso’na’ lan mai pa’tambukanna indo’ku; mati’ri Kalemi nanii tontong kapa’pudi-pudiangku.